Avats e paders

Avats e paders tuatschins ella claustra benedictina a Mustér
mess ensemen da Tarcisi Hendry

La suandonta enumeraziun dils paders ed avats nativs da Tujetsch hai jeu tschentau ensemen cun agid dil register „Album desertinense" da pader Adalgott Schumacher cumparius 1914, plinavon hai jeu sesurviu dalla grondiusa lavur „Baselgias e capluttas e spiritualesser de Tujetsch" da pader Baseli Berther cumparida 1924 e dalla cuntinuaziun da quella lavur entras sur Tumaisch Berther cul tetel „Spirituals, Fraters laics e muniessas della vischnaunca de Tujetsch" cumpariu 1959.

pdfAvats e paders tuatschins
Avat Pieder da Pultengia 1402 - 1438
Avat Adalbert II de Medell 1655 - 1696
Avat Gallus Deflorin 1716 - 1724
Pader Anselm Genin
Pader Martin Biart
Pader Giusep Venzin
Pader Beda Schmid
Pader Gallus Soliva
Pader Martin Riedi
Avat Anselm II Quinter 1846 - 1858
Pader Gallus Riedi
Pader Baseli Berther
Pader Placi Berther
Pader Vigeli Berther

Avat Vigeli Monn 2012 -
AvatVigeliAvat Vigeli, cul num civil Dietrich, fegl da Vigeli Monn e Paulina Schmid da Sedrun, ei naschius ils 13 d'avrel 1965. Suenter la scola primara el vitg ha el sco student extern absolviu la scola claustrala e fatg matura igl onn 1985. Ei suonda la scola da recrut tier ils pioniers telegrafics a Kloten ed ina dimora el collegi internaziunal benedictin S. Anselmo a Ruma. Il mars digl onn 1986 entra el ella Guardia svizra papala che dat ad el la caschun d'emprender talian. Suenter in cuors da lungatg en Engheltiara entscheiva el igl atun digl onn 1988 il noviziat a Mustér e pren il num claustral Vigeli, il patrun-baselgia dalla parochiala. Il studi da teologia, pedagogia da religiun e latin frequenta el a Salzburg da 1989 – 1999 cun in onn itrerrupziun. Sper la teologia studegia el ils lungatgs vegls. Ordinaziun sacerdotala, ils 26 d'uost 1995 entras uestg auxiliar Amadeus Grab da Genevra. Messa nuviala en claustra, ils 3 da settember 1995 e messa nuviala a Sedrun ils 10 da settember 1995. Da 1999 – 2008 eis el statalter dalla claustra da Mustér ed aschia responsabels pils fatgs economics dalla claustra. Dapi igl onn 2003 eis el decan ed ils 19 d'avrel 2012 vegn el eligius sco 66avel avat dalla claustra da Mustér. La benedicziun digl avat ha giu liug ils 6 da matg 2012. El ei il 5avel avat ord la Val Tujetsch. pdfRapport ella Tuatschina

 Pader Baseli Berther0308
Pader Baseli Berther, il pader attaschaus alla historia tuatschina

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

historia_gruen.jpg