Placi Manuel

PD011aabPlaci Deragisch-Hitz, Gonda  (1913-1996)
(necrolog)

Ils 8 da december 1996 annunzia il tuchiez da s.Vigeli la mort da nies convischin Placi Deragisch, sesents en casa da vegls s.Vigeli. Suenter ina veta plein humor, buontad, lavur e quitau, eis el sedurmentaus ruasseivlamein suenter cuorta maldispostadad ella biala vegliadetgna dad 83 onns.

Il Placi ei naschius ils 13 d’uost 1913 a Sedrun sco fegl dad Emanuel Deragisch e Tresa naschida Schmid. El ravugl d’ina buna famiglia, ensemen cun sias sis soras ha el senza dubi passentau ina biala affonza.

PD007b

Frequentadas las scolas dil vitg ei il Placi passaus cun curascha viado el travagl dalla veta. Abstrahau dil temps da survetsch militar, ha el

passentau sia entira veta , dalla tgina alla mort, ella Val Tujetsch. Siu da viver ha el fatg cul mistregn da scrinari e cun dasperas aunc far in techet il pur.
Igl onn 1943 marida el la Lucia Hitz da Rueras. Treis buobas ed in buob ein il plascher dils giuvens geniturs. Quels portan quitaus, denton era bia legria e plascher.

Il Placi fuva in um da cumpignia. Gest perquei eis el s’engaschaus pil beinstar dalla publicitad, oravontut allas uniuns. Aschia eis els staus 36 onns commember dalla Societad da musica, cantau buca meins che 38 onns el Chor baselgia Sedrun e da quei da varga diesch onns commember dil Chor mischedau Sedrun. Plinavon eis el s’engaschaus per l’ Uniun samaritana, sco fundatur ed instruider e quei duront decennis.
Denton siu pli grond plascher fuva il far teater humoristic. Tier il mussar e far teater ha el era scret numerus tocs humoristics ch’ein vegni menai si en ed ord Tujetsch. Perdetga da sia activitad poetica dat era ina cudischet cumparius avon entgins onns.
Igl onn 1990 piarda el sia consorta Lucia. Suenter entgins onns persuls a casia sto el serender en casa da s.Vigeli. Leu astga el passentar la beinmeritada sera dalla veta.
Ils 10 da december vegn el accumpignaus da numerus vischins e vischinas sin santeri da s.Vigeli. In original, in um plein humor e carezia ei buca pli. Ad el pasch e legria celestiala. 

Ilpeinalenna
Engrondir cun smaccar! 
Siu relasch
Poesias e versets
Tocs humoristics
Teaters
Translaziuns
MIRA (Register da Gion Giachen Monn, Rueras)

Da Placi Deragisch dat ei la scartira:
Ti audas mal
In tratg traversal digl onn 1942 entochen 1992 
Poesias e raquintaziuns 
da Placi Deragisch; cumpariu igl uost 1993

Ses teaters e giugs humoristics, sias transalziuns

1. L'onda Mengia (1943)PD
2. La lescha dils parlers (1943)
3. La Gemi (1975)
4. Il Conträr
5. Ils peinalenna (1961) per ils bostgers Grischuns
6. L'onda buna (1960)
7. La feglia dil marcadont da stiarls (1945)
8. Sut la pantofla dil stadi (1962)
9. La veta da schuldau (1938)
10. La stolla dil Carliner ni las auas sutteranas
11. Cumin (1959)
12. Il premi da 1000 francs
13. Il siemi dallas auas (1956)
14. Dus metschafadigias
15. Scola nova Sedrun
16. Il legiunari da Mittwald (translatau 1965)
17. Avon 50 onns (mobilisaziun 1939)
18. NEAT, la matta dad aur
19. Il saun pazient
20. Il meta paga
21. Avon dertgira
22. Ils peinalenna (1982), menaus si dalla Societad da musica 1991
23. Energia
24. Igl aug ord la Merica
25. Avon 30 onns
26. Gl'aug Casper vegn d'engrau
27. Giubileum da 25 onns
28. Gl’emprem survient dalla Cruna
29. Sils onns
30. Nozzas d'aur
31. En sortida
32. Ti audas mal
33. Scola nova a Rueras
34. Teatrist Harro
35. De e Da fan da sedar
36. Tin vegn Millionèr
37. Il parler Steiner
38. Tier Pieder Mazlèr
39. En sala da spetga
40. Stoffel in giugadur spezial
41. La damaun
42. La purtgèra
43. Alteraziun politica a Tujetsch
44. La vadiala dil Jelmoli
45. In bi giubileum

Canzuns screttas a maun* 
1. Canzun dil Pantofler*
2. Tgei lein sepanzar (1941)*
3. Lein cantar la canzun dils musicants*
4. Fontanna*
5. Im Engadin
6. Als veterans Tujetschins: Schenghegiau al camerat veteran federal Placi Deragisch dil cau dils veterans Gion Giachen Monn (cantau alla fin dalla radunonza dils veterans e commembers d'honur dapi varga 20 onns)

Poesias screttas a maun* 
1. Il viadi el spital*
2. Salids ord il spital*
3. Bab Bertrich (D)*
4. Vacanzas*
5. La cristalla (Gasetta Romontscha nr. 72 ils 7-9-1984).

Reminiscenzas e anecdotas screttas a maun* 
1. Il fegl dalla parlera biala
2. Il tat da Bugnei*
3. Asperges me ......
4. Sin ils 70*
5. Tujetsch; sentupada e viadi dall'annada 1913 (Gasetta Romontscha nr. 52 ils 1-7-1982)
6. Obedientscha*
7. La catscha scumandada (Tuatschina nr. 20 ils 4-10-1991)
8. Die Surselva im Radio DRS - Bündnertagblat - Emissiun Viagiond cun il microfon, ils 28-7-1977

Poesias: Screttas en la Tuatschina ed a maun* 

1. Tscheiver (Tuatschina nr. 4 ils 23-2-1990)
2. Tscheiver avon esch (Tuatschina nr. 3 ils 7-2-1992)
3. Oraziun per neiv (Tuatshina nr. 26 ils 27.12.1991)
4. Alteraziun politica enTujetsch (Tuatschina nr. 24 ils 29-11-1991)
5. Avon Sesiun (Tuatschina nr. 22 ils 31-10-1991)
6. La malsogna sin viseta (Tuatschina nr. 23 ils 15.11.1991)
7. La malsogna regn, tgei ei la cuolpa (Tuatschina nr. 23 ils 15-11-1991)
8. Vegnir vegls - Esser vegls (Tuatschina nr. 2 ils 24-1-1992)
9. Evangeli dil Club da troccas 1974-1983 (copia)*
10. En num dils duamelli (2000) Tups (original)*
11. Ei dat lartg (copia)*
12. Sesiun 1989 (copia)*
13. La matta dil tren (original)*
14. Tiaratriembel Romontsch (original)*
15. Oraziun per neiv (original)*
16. An Heidi; Zum 50. Geburtstag (original)*
17. Svizra senz'armada (copia)

«Cun grond plascher haiel jeu tschentau ensemen e fatg uorden cun las scartiras da Placi Deragisch-Hitz per ils artavels Graziella-Rita-Antonia e Daniel Deragisch e per ils vegnentsuenter.
Rueras, ils 10 da mars 2017, Gion Giachen Monn, Rueras. 
Dau giu agl archivar communal da Tujetsch Tarcisi Hendry, ils 13.03.2017

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

historia-back-04.jpg