Vegl sarament dil salter

Sarament dil salter – emprema mesadad dil 19avel tschentaner

1. L'emprema gada vegnis vus ad engirar, che vus laies, laud ed honur da Diu e la sontga catolica cardientscha, suenter vies meglier saver e puder cun tut flis tener fei e verdad.

2. Vegnis era ad engirar, che vus laies dretgs e frietads dil cumin e dalla Casa da Diu mantener si.

3.Vus vegnis ad engirar, che vus laies esser sidretg e rechli salter e render e far buna obedientscha al mistral e mes signurs e tut quei ch'ei da palatar e quei ch'ei da tener tschelau tener tschelau.

4. Vegnis era ad engirar che vus laies, cura che vus vegnis dumandai da stumar, sche laies vus per daners, per tscheins, per sal e per paitzas stumar per il dubel, per auters pagaments
pli tiers pli, tut per il sarment, adina alla Casa da diu aduals dretgs oravon, s'entelli, che sut vegn risculdis pudeies sez stumar e sur quei dueis vus clamar in gerau.

5.Vegnis milsanavon ad engirar vus salter dil cumin cun ils auters ensemen, cura ch'ei vegness ch'in obercheit tarmetes ora da metter maun ad enqual persuna, sche laies vus senza negina contradicziun far buna obedientscha.

Tut quei leis vus far cun igl jester, sco cun il domiciliau e cun il dumiesti sco cun igl jester, cun pign e cun il grond, cun il grond sco cun il pign, cun il pauper sco cun il reh, cun il reh sco cun il pauper, cun il nunniebel sco cun il niebel e cun il niebel sco cun il nunniebel, da quei far laies schar ni per carezia ni per mal, ni per beinvulientscha ni per malvulientscha, ni per temas ni per smanatschas, ni per tscheins, ni per schenghetgs, ni per aur, ni per argien, ni per negina caussa che pudess vus desviar giu dalla via dalla giustia e dalla verdad. E sche Vus lais quei salvar e vegnir suenter cun ils fatgs, sco jeu a vus vai teniu avon cun la viarva, sche vegnis vus a tener si treis dets enten vies maun dretg e di a mi suenter quels plaids: Tut quei che vus a mi veis teniu avon cun ils plaids, sche vi jeu vegnir suenter e salvar cun ils fatgs suenter miu meglier saver e puder, tuttas caussas alla buna fei e senza malart, aschia per il ver mei gidi Dieus, la sontga Trinitad, Nossadunna e tut ils sogns roghien per nus. Amen.

pdfSarament dil salter

 

 

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

historia_gruen.jpg