Igl artist-stuccatur Paolo Romano de Tschamut

Impressaris e stuccaturs romontschs
Da A.M. Zendralli 1)
en Glogn 1937 pag. 115-118 ol

Tier l'appariziun de meisters romontschs en Tiaratudestga ed ensumma el nord - nus savein dar novas mo de quels „emigrants" - savein nus distinguer mo dus temps d'emigraziun, e quei che partegn gl'emprem havein nus mo fastitgs ed aunc neginas relaziuns cun ta secunda, etappa, sche nus lein exprimer aschia, e quei per motiv che la scienzia ei buc aunc s' occupada pli intensiv cull' emprema.

L'emprema etappa: Encunter la fin dil 16avel, entschatta dil 17avel tschentaner lavuran en Pologna sper ils biars miradurs e sculpturs italians, tessines e mesolcins era enzaconts romontschs ; aschia per ex. a Praga, il Gieri Möli, 1587 (Rem. d. redacz.: El ei probabel in perdavon de Gion Möli, ch'ha ediu 1686 il cudisch romontsch: Soigns Discurs?) Gion Casperin 1594-1618 (Rem. d. red.: lls Casperins ein de Tujetsch, Cavorgia; fuvan de niebel e sescrivevan „de Casperin" entochen ca 1860, nua ch' ei ein morts ora); Johann Frauns 1670; ils Engiadines Nicolaus Badrutt 1592, Johann Pryn (Pion, Pena) 1593-1627, Hendrych Marynna („Marini, auch Andres genannt") Joh. Korf (Karf) 1602-1627; a Lemberg cun igl impressari miradur Jacobus Madleina (Metleyn) 1609, (Rem. d. red. „Madleiners" dev'ei era en Tujetsch), il capo-meister Paolo Romano de Tschamutt. Da quei meister tujetschin, scriva Karl Schwarz en „Süddeutsche Monatshefte", 1916, p. 814: Originell und bezeichnend für den Einfluss der in Polen durch die aus dem Hause Sforza stammende Königin Bona bevorzugten italienischen Meister ist die im Jahre 1582 vollendete Synagoge des Isaac Rachmanowicz in Lemberg deren Baumeister Paolo Romano aus Chiamunt in Grisonien, der Erbauer der walachischen Kirche in Lemberg gewesen sein soll."

Ord questa notizia, ch'jeu hai survegniu da cuort entras prof. A. Attenhofer, de Cuera, seresulta ei, che Paul Romano de Tschamut, fuva da siu temps sin in ault scalem de perfecziun e ch'el haveva gia operau de bia avon. Ch'el vegn quintaus tiels meisters talians deriva bein da cheu, ch' el baghegiava e construeva ses edifecis en fuormas italianas, sco ils auters meisters jasters, ch'eran vegni cun el ella tiara.

Co era el vegnius en Pologna? Havev'el empriu d'architect ed impressari ell'Italia, ni ha el fatg la carriera naven da marti e palutta tochen tier impressari ed architect - epi vegnius cun ils Talians ella tiara? Siu operar croda el medem temps cun quel dils emprems gronds impressaris e capo-meisters de Mesauc, ch'han luvrau el nord, en Schlesia (Jakob Marca-Marca e Antonio Toscano), ad Augsburg, Höchstädt, Neuburg a. D. (Gilg Vältin = Egido Valentini), en Baviera (Hans ed Albert Alberthal = Albertali).

1) Graubündner Baumeister und Stukkatoren in deutschen landen zur Barock- und rokokozeit. Turitg 1930

pdfPaolo Romano


 

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

historia-back-03.jpg