Ils Tuatschins van egl jester

143L'emigraziun ei in dils temas preferius dalla historia da Tujetsch. Surtut als «Americaners» ein numerusas lavurs vegnidas dedicadas. Tenor quellas ei l'emigraziun adina stada sfurzada, in'emigraziun professiunala sco quella dall'Engiadina ha ei buca dau. Ina retscherca muossa denton che mo ina tiarza dils circa 550 emigrants ella perioda da 1835–1880 ein emigrai ell'America. Duas tiarzas denton restavan el Grischun ed en Svizra ni mavan en Tiaratudestga per in per onns – tochen ch'ei deva plaz a casa. Cons che han bandunau la val voluntariamein, ei grev d'eruir. En tuttacass muossa surtut igl exempel dils Americaners che motivs fetg persunals e la constituziun psichica giugavan ina rolla impurtonta, cura ch'ei tuccava da sedecider.
Il plaid « emigrar » vegn duvraus per tut quels che han bandunau val e patria per adina, « ir naven » per quels ch'han bandunau « mo » la val e quei savens cun l'intenziun da turnar. Secapescha ch'igl ei buc adina lev da distinguer. Da principi san ins denton dir ch'ils Tuatschins, oravontut ils Americaners, ein emigrai el 19avel tschentaner, el 20avel denton, surtut suenter 1950, semplamein i naven.

L'emprema enconuschenta e gronda emigraziun tuatschina datescha dil 17avel tschentaner. Ils 19 da settember 1628 veva purtau ina sgarscheivla purgina e ruinau tutta raccolta. Sinquei han ver 200 persunas bandunau la val per buca stuer murir dalla fom. Igl urbari da 1456 noda sut igl onn 1628: ...vil thusen personen sind allein in diesem jar in Niderland, gen Wien oder Venedig gangen, schier zwey hunder personen klein und gross allein hie von Dawetsch. Nudau dil plevon Bartolomeus Derungs.

Per propi ha l'historia dall'emigraziun tuatschina entschiet amiez il 19avel tschentaner. Cuort avon l'entschatta da quei tschentaner succeda l'invasiun franzosa che lai anavos bia pupira. Naven dils 6 da mars 1799 e plirs onns suenter ei la val suttaposta a traversadas d'armadas. In cudisch egl archiv communal da Tujetsch enumerescha las contribuziuns sfurzadas als Franzos, als Austrics ed als Russ. Ils habitonts dalla val, che stevan atgnamein buca mal avon l'invasiun, vegnan en gronda pupira e miseria. Pliras famiglias vegnan era tuccadas da gronda tristezia entras sperditas d'agens affons e babs en las battaglias encunter ils Franzos.

Il gerau Duri Battesta Monn da Tujetsch ha resumau il furniu ed igl engulau dils Franzos, dils Russers ed Austriacs. Per la Cadi vegn el sil suandont resultat:

Furniu rauba ella summa da 63'000.– flurins e vegniu engulau per la summa da 962'936.– flurins. Il quen detagliau muossa ora la sperdita da 442 vaccas, 2300 tiers manedels, 30'000 pauns, 17'300 stèra truffels, 11'000 centners fein, 12'000 stèra graun, 33'000 crenas caschiel ed auter bia e la finala aunc la contribuziun als Franzos da 23'000.– flurins.

Quei ha tuccau diramein la Cadi ed era Tujetsch ha pitiu bravamein da quellas contribuziuns ed enguladetschs. El decuors dils 18 e 19avel tschentaner succeda era ina emigraziun enteifer la val e quei en ina depopulaziun radicala da plirs uclauns ed uclivas dalla val, aschia da Giuv, Salins, Canadal, Nacla, Nislas e d'auters. El vonn dalla val, egl iral fritgeivel, ein els sesenti pli segirs e pli da cuminonza.

Gia tschentaners avon succeda in deplazzament ord ils biars beins, ils « hofs » dalla val, en las numerusas uclivas. Igl urbari da 1456 ed il rodel da 1555 affirmeschan 66 beins u hofs ella Val Tujetsch.

Las raschuns da quella emigraziun enteifer las scheinas dalla val vegnan ad esser stadas ton differentas. Denter auter era las midadas climaticas dils tschentaners precendents ed autramein eran ils uclauns ed uclivas per gronda part exponi a lavinas. Ils prighels fuvan promovi entras l'intensiva urbarisaziun per terren agricol ed era muort il grond diember d'animals armentivs e manedels. La communicaziun ellas uclivas lontanas fuva schliata ed ei regeva savens ina isolaziun radicala per temps d'unviern. Mo era giu el funs dalla val deva ei buca dapli lavur e dapli daners. L'emigraziun entscheiva.


Arrivada 1906 a New York/Ellis Island. Quei onn ein dus Tuatschins emigrai, numnadamein il Duri Giusep, il Pepi, Monn, da Sedrun e Sep Antoni Monn, Tiuter, da Surrein

Visetas ord l'America

Richter
2009: Viseta dall'America, Jim Richter, beadi da Sep Antoni Monn (foto silla cuviarta dil cudisch davart l'emigraziun). Mira: Viseta ord l'America


DER0012014: Andrew DeRungs sin santeri cun Culastia Decurtins
I am writing to thank you for your help and hospitality during our recent visit to Sedrun. My wife Aimee and I are so fortunate to have met you and the others while we were visiting! We had a fantastic 3 weeks in Europe and one of my major highlights was our very short time in your beautiful town! It was so exciting to see the home of my ancestors, see the DeRungs house, and meet you and others! To get a copy of your book was wonderful and I've been sharing it with family here. THANK YOU!
Andrew DeRungs


 HSCH001
2015: Heidi Schmidt cun siu um, descendenta da Magdalena Schmidt *1839 emigrada 1892 cul fegl Cristian. Il fegl Vigeli (basat da Heidi) fuva gia emigraus 1888.


MU001
2015: Jennifer, Zachary, Christin e Mark a Cavorgia avon casa dils Muggli's
Christin ei descendenta da Leci Antoni Muggli (1852-1924)

Dear Tarcisi, we have finally returned home after our travels. The highlight of our vacation was meeting you in Sedrun and learning about our Muggli ancestors. Mark, Zachary, Jennifer and I cannot thank you enough for the time you took to help us. You are the most amazing, generous person! We were so fortunate to find you.
Best regards, Cathrin, Mark, Zach and Jennifer



SCH001
2015: Bill Schmidt cun dunna, decendent dalla lingia da
Madalena Schmidt 1839, emigrada 1882 ell'America


2016 Giusep Antoni Balzart ei emigraus 1893. La vischnaunca ha susteniu el cun 50 frs. In dils paucs che ha survegniu daners dil maun public. Ins ha viu bugen ch'el ei ius, fuva el plitost ina grevezia pil pauperesser. Sia veta ei stada da schliata partenza cun esser in affon illegitim dalla Emerita Balzart. La vischnaunca ha possibilitau ad el da far il calger a Lumneins cun bonificar 35 frs. El ei emigraus cun 4 affons e dunna, dus affons ord l'emprema letg. Anna Catrina Balzart ei stada in da quels affons. Ils 12 da settember 2016 ha sia beadia visitau la patria dil basat Giusep Antoni, calger. La foto muossa Catherine Yach cun siu um Bob ils 12 da settember egl archiv communal.

20160912 110717


 

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

historia-back-02.jpg