Gion Valentin Cavegn (1882–1969) in emigrant tuatschin on Baviera

GionValentinCavegnGion Valentin emigrescha il meins december digl onn 1899. Cun gissiat onns banduna Gion Valentin la Val Tujetsch per serender on Baviera. Il viadi viado en tiara jastra descriva el en sia emprema brev:

Götting, ils 18 da december 1899

Cars da casa!
Essend jeu ussa arrivaus giu saunamein vi jeu era dar novas co ei va tscheu. Nus essan vegni a München ils 15 mesa las siat dalla damaun. Viu havein nus bia e bi. Principalmein sul Bodensee ei stau enzatgei fetg bi, tuttavia cun quei che nus vein saviu ira da clar. A Lindau essan nus stai naven dallas tschun entochen mesa las dudisch. Nus essan i per il marcau entuorn tras ora ed havein viu bia bi. A München havein nus stuiu spitgar duas uras. Leu ei il Muggli vegnius si per nus. Fussen bugen i empau per il marcau entuorn e mirau giu empau, aber il Muggli ha giu prescha dad ira engiu puspei. Igl aug ei nuota vegnius si, pertgei ch'igl ei freid stermentus – bia pli freid che leu enasi. Igl ei miez bratsch neiv. Igl aug vai jeu nuota enconuschiu igl emprem. El ei vegnius stermentus schliats ussa. El vegn buca a viver biars onns pli. In di sundel jeu staus cun igl aug. El ha fatg fetg bien. El ha cumprau in per calzers lenn, in per vons ed in caput ed ha emprau ora bia e vuliu saver dil tut. Il senn ha el schon da vegnir anenasi, aber ei va vess dad ira naven dil Muggli. E lez vegn a far siu pusseivel da far star leu el. Jeu stundel fetg bugen. Haiel buca grad hefti. Sera e damaun stoiel jeu ira per latg cun in bov. Igl ei aber stermentus freid. Sil di stoiel jeu gidar a caschar, salar magnucs etc. Cun il lungatg para ei empau curios igl emprem. A messa saiel jeu ira pauc. Jeu vi calar cun miu malscriver e semetter a ruaus. Igl ei schon uras.

Salidel Vus tuts cordialmein Vies frar
Gion Valentin Cavegn

Remarca sin la davosa pagina: Spisa haiel jeu buca buna e lu aunc pauca pagaglia ed jeu creiel che jeu vegni buca vegls tier il Lucas Beer.

pdfGion Valentin Cavegn

 

 

0
Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

historia-back-04.jpg