Project Tgina dil Rein
Credit per ina direcziun dil project
Messadi
dil Cussegl da vischnaunca dils 20-01-2010
dalla suprastonza communala al cussegl da vischnaunca

Preziau president
Stimadas cusseglieras
Stimai cussegliers
La Tgina dil Rein resp. la vendita da tala ei adina puspei stau tema. Entginas acziuns da far la tgina pli enconuschenta ein vegnidas instradadas. Denter auter era vegniu transportau sin iniziativa dil marcau da Cologna crappa dalla tgina dil Rein a Cologna per ereger leu ina fontauna. Quei ei stau igl onn 1984. Igl ei entochen oz denton buca reussiu da svegliar tier las 50 milliuns persunas che vivan perliung dil 1324 km liung flum il desideri da visitar la Tgina dil Rein.
En rama dil project Beinvegni en Svizra ei il biro Steiner (Otto Steiner), Sarnen, vegnius incumbensaus dad elavurar in'idea per l'inscenaziun dalla Tgina dil Rein. L'incarica ei vegnida surdada cun la finamira da nezegiar meglier il potenzial turistic da quei scazi natural. La finanziaziun dalla studia ei succedida entras las vischnauncas da Mustér e Tujetsch, Sedrun Mustér Turissem e Svizra Turissem. A caschun dalla seduta dils 25 da mars 2009 ei la lavur dad Otto Steiner vegnida presentada al cussegl da vischnaunca. Da principi ha il cussegl da vischnaunca susteniu il project.
El fratemp ei in emprem pass succedius. Il center d'informaziun sil Pass Alpsu, finanziaus entras Beinvegni en Svizra e la vischnaunca Tujetsch, ei realisaus. L'avertura ei previda sin la sesiun da stad 2010. Per concretisar l'idea per l'incenaziun dalla Tgina dil Rein ei Hanno Wyss dil biro Steiner vegnius incaricaus dad elavurar in plan da menaschi (mira aschunta). Il plan da menaschi descriva l'execuziun dil project e dat era avon ina certa rama da cuosts ed in plan da termins. En rama da sia lavur ha Hanno Wyss saviu baghegiar si bein enqual contact.
En in proxim pass vala ei dad instradar ina direcziun dil project (Projektleitung) che concretisescha il project resp. exequescha il plan da menaschi. In'impurtonta part dalla lavur dalla direcziun dil project fuorma la tscherca da partenaris/sponsurs. Grischun Vacanzas e Svizra Turissem han gia exprimiu lur interess da segidar en caussa.
L'elecziun/evaluaziun e silsuenter l'indemnisaziun dalla direcziun dil project basegnan mieds finanzials. Sper ils cuosts per la direcziun dil project seresultan ulteriurs cuosts per cussegliaziuns e planisaziuns. En tut muntan ils cuosts per la direcziun dil project (svilup dil project 2010 e 2011) a rodund frs. 300'000.00.
La direcziun dil project duei luvrar dus onns vid il project (encurir sponsurs/partenaris, tschercar in bastiment, sclariments pertuccont spazi Pass Alpsu etc.). En in carnet da duers duei il pensum vegnir definaus claramein. La finamira fuss da concretisar il project entochen igl onn 2012 aschi lunsch ch'el sa vegnir realisaus.
La suprastonza communala ei dil meini da persequitar vinavon il project, entras conceder il credit da frs. 300'000.00 per la direcziun dil project, malgrad las malsegirtads che regian il mument concernent las structuras turisticas. Independentamein dallas structuras ein buns products turistics indispensabels. Tier la Tgina dil Rein setracta ei d'in product cun caracter unic che sa dar slontsch surtut al turissem da stad, che ha denton era ina muntada igl unviern.

Protocol dil cussegl da vischnaunca Tujetsch dils 20 da schaner 2010

4. Tranctanda
Project tgina dil Rein – credit per ina direcziun dil project

Gerau Marcellino Giger:
La Tgina dil Rein resp. la vendita da tala ei adina puspei stau in tema. Entginas acziuns da far la tgina pli enconuschenta ein vegnidas instradadas. Denter auter era vegniu transportau sin iniziativa dil marcau da Cologna crappa dalla tgina dil Rein a Cologna per ereger leu ina fontauna. Era il cantun ha gia tematisau la Tgina dil Rein e las spassegiadas tier la tgina dil Rein, organisadas entras Serafin Cavegn, han medemamein mess quei product el center. Igl ei entochen oz denton buca reussiu da svegliar tier las 50 milliuns persunas che vivan perliung dil 1324 km liung flum il desideri da visitar la Tgina dil Rein.
En rama dil project Beinvegni en Svizra ei il biro Steiner (Otto Steiner), Sarnen, vegnius incumbensaus dad elavurar in'idea per l'inscenaziun dalla Tgina dil Rein. L'incarica ei vegnida surdada cun la finamira da nezegiar meglier il potenzial turistic da quei scazi natural. La finanziaziun dalla studia ei succedida entras las vischnauncas da Mustér e Tujetsch, Sedrun Mustér Turissem e Svizra Turissem. A caschun dalla seduta dils 25 da mars 2009 ei la lavur dad Otto Steiner vegnida presentada al cussegl da vischnaunca. Da principi ha il cussegl da vischnaunca susteniu il project.
El fratemp ei in emprem pass succedius. Il center d'informaziun sil Pass Alpsu, finanziaus entras Beinvegni en Svizra e la vischnaunca Tujetsch, ei realisaus. L'avertura ei previda sin la sesiun da stad 2010. Per concretisar l'idea per l'incenaziun dalla Tgina dil Rein ei Hanno Wyss dil biro Steiner vegnius incaricaus dad elavurar in plan da menaschi. Il plan da menaschi descriva l'execuziun dil project e dat era avon ina certa rama da cuosts ed in plan da termins. En rama da sia lavur ha Hanno Wyss saviu baghegiar si bein enqual contact.
En in proxim pass vala ei dad instradar ina direcziun dil project (Projektleitung) che concretisescha il project resp. exequescha il plan da menaschi. In'impurtonta part dalla lavur dalla direcziun dil project fuorma la tscherca da partenaris/sponsurs. Grischun Vacanzas e Svizra Turissem han gia exprimiu lur interess da segidar en caussa.
L'elecziun/evaluaziun e silsuenter l'indemnisaziun dalla direcziun dil project basegnan mieds finanzials. Sper ils cuosts per la direcziun dil project seresultan ulteriurs cuosts per cussegliaziuns e planisaziuns. En tut muntan ils cuosts per la direcziun dil project (svilup dil project 2010 e 2011) a rodund frs. 300'000.00.
La direcziun dil project duei luvrar dus onns vid il project (encurir sponsurs/partenaris, tschercar in bastiment, sclariments pertuccont spazi Pass Alpsu etc.). En in carnet da duers duei il pensum vegnir definaus claramein. La survigilonza dil project vegn a succeder entras la suprastonza communala. Entras rapports intermediars dalla direcziun da project per mauns dalla suprastonza communala e dil cussegl da vischnaunca sa in controlling succeder. Aschia ei garantiu ch'ils daners che vegnan investai portan in nez. La finamira ei da concretisar il project entochen igl onn 2012 aschi lunsch ch'el sa vegnir realisaus.
La suprastonza communala ei dil meini da persequitar vinavon il project, entras conceder il credit da frs. 300'000.00 per la direcziun dil project, malgrad las malsegirtads che regian il mument concernent las structuras turisticas. Independentamein dallas structuras ein buns products turistics indispensabels. L'erecziun dall'infrastructura e la vendita dil product ein duas differentas caussas. Tier la Tgina dil Rein setracta ei d'in product cun caracter unic che sa dar slontsch surtut al turissem da stad, che ha denton era ina muntada igl unviern.

Presentaziun Hanno Wyss:
Hanno Wyss presenta il plan da fatschenta, il qual fuorma ina part integrala da quest protocol. Las explicaziuns en quest protocol serestrenschan sin entgins cavazzins.

Finamiras dil project:
- augmentar il grad d'enconuschientscha dalla regiun
- dublegiar il diember da hosps
- augmentar il temps da dimora dils hosps
- effect da reclama entras il viadi dil bastiment da Rotterdam alla Tgina dil Rein

Termins:
2010: decisiun dil cussegl da vischnaunca
2010/2011: preparaziun dil project entras la direcziun da project
2012: surdada dil bastiment a Rotterdam, baghegiar fundaments e mir per saver postar il bastiment sigl Alpsu
2013: baghegiar ora il bastiment, avertura

Cuosts e finanziaziun:
Ils cuosts totals per il project ein calculai cun frs. 3'650'000.00. La finanziaziun succeda entras il maun public (total frs. 2'060'00.00, cumpart vischnaunca frs. 610'000.00), il partenaris turistics (frs. 360'000.00) e sponsurs (frs. 1'230'000.00).

Fazit:
La Tgina dil Rein ei in product unic. Entras il project profitescha buca mo il turissem, mobein era il mistregn etc. Decisiv eis ei da secunvegnir cun las organisaziuns digl ambient. Per quei motiv ei il concept per il svilup dil schurmetg dalla cuntrada (Landschaftsschutzentwicklungskonzept) fetg impurtonts.

Discussiun:
Cusseglier René Epp:
La vischnaunca da Tujetsch ha ina massa projects e visiuns. Jeu seregordel cheu mo vid il center Dulezi, la Porta Alpina ni l'idea "San Gottardo", per numnar mo entgins projects visiunaris. Era l'inscenaziun dalla "Tgina dil Rein" va sut il tetel visiun. Quellas visiuns muossan ina clara via e direcziun dalla vischnaunca, numnadamein la tendenza futura da nies svilup communal e regiunal. Tier enquals projects havein nus gia dau ora daners per elaborar concepts, indemnisar differents mandats ni finanziar preinvestiziuns. Mo tier negins projects essan nus propi vegni tier ina frastga verda, denton ha mintga project era schau anavos ina schanza a nus. Tier la Porta Alpina havein nus finanziau la preinvestiziun che sa egl avegnir aunc esser fetg gideivla ed impurtonta per nus. Pil center Dulezi havein nus elaborau concepts e mess tut sin via, per ch'in eventual investur egl avegnir savess vegnir ed entscheiver a realisar sia idea. E tiel project "San Gottardo" havein nus anflau e carmalau contacts che savessan esser pil futur da nossa regiun da grond'impurtonza. Tut quei ei era stau necessari ed impurtont per vegnir in pass pli datier alla visiun da nossa vischnaunca.
Ussa finalmein havein nus denton ina visiun che nus tuts communablamein savein era entscheiver d'ir vid la concreta realisaziun. Quei ei il project dall'inscenaziun dalla Tgina dil Rein. Dil concept ni dil schinumnau plan da business havein nus gia saviu prender investa. Clar, nus savein ussa entscheiver a metter en damonda ina massa caussas, sco per exempel: Eis ei insuma pusseivel da realisar quei project en quei cuort temps, eis ei pusseivel d'acquirar sponsurs e partenaris ella summa da rodund frs. 1'500'000.00, eis ei pusseivel d'anflar in bastiment che duei vegnir schenghegiaus, eis ei pusseivel d'ereger in museum da tala grondezia sil pass Alpsu, eis ei pusseivel d'ademplir il plan da termins entochen l'avertura igl emprem d'uost 2013 ni eis ei insuma pusseivel da lu saver perschuader tons turists da vegnir a visitar quei product unic?
Tenor miu manegiar stuein nus denton en emprema lingia haver en egl ils avantatgs che san seresultar entras la realisaziun d'in tal project. Vul dir che nus havein finalmein la schanza da vender la tgina dil Rein cun in concret project. Dabia glieud da Rotterdam a Düsseldorf, Köln entochen a Basel vegnan confruntai d'ina uisa ni l'autra cul bastiment dalla Tgina dil Rein. Ils avantatgs d'ina collaboraziun cun partenaris sco "Graubünden Ferien" ni "Schweiz Tourismus", nos gronds scazis culturals ch'ins savess presentar sil bastiment, auters contacts cun impurtonts partenaris dall'entira Svizra e dall'Europa, artechels e maletgs unics ella pressa per l'entira Svizra ed Europa enturon ni il museum che duess vegnir construius sil Pass Alpsu. E buca sco davos profitass mintga singul da nus – seigi quei las fatschentas, ustrias ni schiglioc interpresas - da quei effect positiv e durabel ch'ei duess dar per nossa vischnaunca e regiun.
Naturalmein stuein nus era esser precaults, denton savein nus ussa buca prender directamein influenza silla concretisaziun dil project. Jeu sun numnadamein plitost dil meini che nus essan responsabels che las finamiras e directivas menziunadas el concept vegnan ademplidas ed il plan da termins vegn tenius en, che nus pretendin per exempel miez zercladur 2010 in emprem rapport intermediar, sco quei ch'igl ei vegniu menziunau el concept. Leu savein nus prender influenza e prentender las mesiras necessarias.
Enzatgi ha inagada detg: Sche nus havessen negina visiun, suenter la quala nus havein in desideri, lu dat ei era negin motiv da s'engaschar. Cheu ei il concept gia avon maun, lein prender la curascha ed entscheiver a realisar communableim quella schanza, quei project unic cun conceder oz il credit ella summa da frs. 300'000.00.

Cusseglier Baseli Huonder:
Drova in tal project buca bunas e claras structuras per saver prosperar ed haver igl effect giavischau, numnadamein esser ina caussa cun valeta cuzzonta e fructificar il turissem da stad?
Sch'ins mira el messadi dils 25 da mars 2009, nua ch'il project ei vegnius presentaus al cussegl da vischnaunca, sche fuorma il plan da menaschi oz presentaus ina cumpart dil project San Gottardo. Sco ins ha intervegniu ellas medias (e buca dallas instanzas che representan la vischnaunca) ei la regiun San Gottardo sin fleivlas combas. L'euforia ei empau svanida ed ins vegn puspei pertscharts dall'impurtonza dil turissem local e regiunal.
Entras igl agir dallas pendicularas da Sedrun e Mustér, las qualas desistan d'ina collaboraziun, vegn provocau da metter en damonda l'uniun turistica Sedrun Mustér Turissem. Sch'ils dus partenaris principals sil sectur turistic ein dil meini ch'ei fa negin senn dad encurir ina sligiaziun communabla, ston las vischnauncas pertuccadas ir sur ils cudischs e sedumandar sch'ei fuss buca uras da midar las structuras e far remaduras. Sedrun Mustér Turissem vegn buca a formar in'unitad denter las duas vischnauncas purtadras. Era exponents dil turissem mettan gia en damonda l'entira organisaziun. Il mument per sclarir quella caussa ei daus.
Vender la Tgina dil Rein ei per franc adina stau in giavisch dils exponents dil turissem. Jeu sundel era dil meini ch'ina tala resursa sto vegnir tratga a nez meglier. Il project presentaus ei fetg interessants ed ei segiramein buca da scriver giu ni metter en truchet. Ins duei denton ton pli spèrt sclarir sch'ina collaboraziun dallas duas vischnauncas sil sectur turistic en la fuorma actuala fa aunc senn, per silsuenter saver seposiziunar daniev en caussa e promover il turissem en favur da nossa val. Il turissem ei numnadamein la gronda speronza suenter la finiziun dil project AlpTransit. Per lu ei la basa dada per saver realisar il project Tgina dil Rein, in fascinont ed innovativ project cun gronda dinamica.

Cussegliera Manuela Steffen:
Schon beim ersten Zusammentreffen der verschiedenen Tourismusorganisationen mit der Firma Steiner Sarnen war ich von diesem Projekt begeistert. Meiner Meinung nach ein fantastisches und realisierbares Projekt. Die Rheinquelle ist einzigartig und genau mit dem können wir uns abheben von anderen Regionen.
Ich glaube uns ist gar nicht bewusst was für ein Juwel wir besitzen und nicht oder zu wenig nutzen.
Ich bin überzeugt mit der Unterstützung dieses Projekts einen Schritt vorwärts zu gehen um den Bekanntheitsgrad von Tujetsch - Sedrun zu steigern. Es ist Zeit Nägel mit Köpfen zu machen und auch etwas zu wagen. Wer nichts wagt, kann auch nicht gewinnen.
Touristen bringen Geld, bringen Arbeitsplätze und somit auch leben ins Tal, was wiederum auch den Einheimischen zugute kommt.
Ich habe den Businessplan studiert und ich könnte mir vorstellen, dass die Schätzungen der Sponsoren in der Realität noch grösser ausfallen könnten. Von diesem Projekt zieht nicht nur unsere Region einen grossen Nutzen sondern die ganze Schweiz, nein sogar hat es auch international eine positive Auswirkung.
In Bezug auf die Neat, die, wie wir alle wissen, nicht ewig hier sein wird, ist es wichtig auf langfristige Projekte zu bauen. Ziel ist es nicht in möglichst kurzer Zeit ein Schiff auf den Oberalppass zu bringen, sondern mit möglichst viel Medienaufwand und immer wiederkehrenden Informationen, den vielen Menschen die am Rhein zu Hause sind und natürlich auch allen anderen, unsere Region ins Gedächtnis einzuprägen und darin zu verankern.
Packen wir die Leute da an, wo sie sowieso sind. Sei es bei einem Ausflug über den Oberalppass mit dem Auto oder Motorrad oder beim Start unzähliger Wanderungen. Ich bin überzeugt auch im Winter können wir den Gästen etwas mehr bieten wenn Sie auch bei schlechtem Wetter einen Besuch auf dem Oberalppass abstatten könnten und die Restaurants oder das Museum besuchen.
In der Zwischenphase um die ganze Organisation bleibt auch genügend Zeit um die spannenden kleineren Projekte wie den Camping Rueras oder allenfalls einen See weiterzuführen und zu realisieren.
Was allerdings absolut wichtig ist bei dem ganzen Projekt ist die Zusammenarbeit unserer Tourismusorganisationen. Es ist eindeutig, dass nicht nur Sedrun von diesem Projekt profitieren wird. Auch Andermatt müsste einbezogen werden. Sedrun Disentis Tourismus sollte auch in dieser Hinsicht eine Basis sein, und genau da sehe ich das Problem.
Wie wollen wir uns nach aussen gut verkaufen, wenn wir nicht hinter unserem Tourismus-Verein stehen können. Wir brauchen Rückenhalt und dies nicht nur in diesem Projekt. Ich bin sicher nicht nur mich macht diese Situation nachdenklich. In dieser Hinsicht macht mir auch die Zusage von einem Credit von CHF 300'000.00 sorgen. Da man nie genau abschätzen kann, wie sich das Projekt entwickelt. Eine alternative Idee wäre gewesen, den Kredit aufzuteilen in 3 Phasen von je CHF 100'000.00 und somit nach jeder Phase neu zu entscheiden und allenfalls auszusteigen. Wie nun aber Herr Hanno Wyss erklärt hat, bin ich überzeugt, dass ein Gremium oder eine Kommission die das ganze Projekt begleitet und die Kosten kontrolliert die beste Variante ist.
Unsere Region lebt in erster Linie vom Tourismus. Nutzen wir die Chanche ein einmaliges Projekt weiter zu führen in das schon viel Geld und Zeit gesteckt wurde.
Zermatt hat das Matterhorn und wir die Quelle des Rheins, den Rheinsprung.

Cusseglier Marcel Soliva:
Cusseglier Marcel Soliva engrazia per il messadi e la buna documentaziun leutier.
Da principi beneventel jeu zun fetg l'iniziativa dalla suprastonza communala da schar elavurar in project partenent la visiun dall'inscenaziun Tgina dil Rein, che ha igl intent da nezegiar meglier il potenzial che quella porscha a nus.
La suprastonza damonda in credit da frs. 300'000.00 per instradar ina direcziun da project. Quei ei en sesez ina gronda summa daners. Denton sundel jeu perschuadius che nus stuein nezegiar la schanza che la realisaziun da quei project porscha a nus e conceder quei credit. Ins sa buca selamentar ch'ei detti memia paucas purschidas turisticas en vischnaunca e cura ch'ins presenta ina tala, buca sustener quella.
Denton less jeu tuttina far in per patratgs ni damondas che fatschentan mei en connex cun quei project.
Ei la pusseivladad d'acquistar il bastiment necessari per il project 100% garantida e quei per in prezi mudest?
Han ins gia oz las declaronzas da consentiment per las lubientschas, ch'ein necessarias dallas autoritats cumpetentas en connex cun la realisaziun dil project sin l'Alpsu (concessiun pil diever dil terren necessari, lubientschas planisaziun da spazi etc.)?
Existan oz gia concretas e ligiontas empermischuns davart ils sponsurs e partenaris en connex cun la finanziaziun dil project?
In gronda sfida ei era da tener en ils cuosts dil preventiv per il project. Tgei mesiras ein previdas?
Co e con intensiv han ins entochen oz fatg propaganda per il project ed en cass ch'il credit da projectaziun vegn concedius co eis ei previu d'agir vinavon en caussa propaganda (Porta Alpina Effect).
Tenor Hanno Wyss han ses sclariments mussau ch'in bastiment sa vegnir retratgs per ina summa da rodund frs. 920'000.00. Reclama per il project eis ei entochen oz aunc buca vegniu fatg. La presenza ellas medias ei succedida senza stentas davart dils iniziants dil project. Pertuccont la finanziaziun han Sedrun Mustér Turissem e Grischun Vacanzas dau signals positivs. Declaronzas ligiontas ein denton grevas da retscheiver avon ch'il project ei concretisaus. La finamira ei dad haver segirau 50% dalla finanziaziun entochen il davos digl onn 2010. El plan da finanziaziun ei la contribuziun dalla vischnaunca previda cun rodund frs. 610'000.00.
Tenor il president communal eis ei gia vegniu fatg certas examinaziuns preliminars pertuccont las lubientschas necessarias per saver realisar il project sil Pass Alpsu. Ei vesa buca ora mal, certs problems ston denton vegnir sligiai. Surtut sto la procedura vegnir coordinada cun las stentas en connex cun la colligiaziun dils territoris da skis Sedrun-Andermatt. Il previu concept per il svilup dil schurmetg dalla cuntrada vegn a porscher in agid.

Il president dil cussegl ei dil meini ch'ina summa da frs. 100'000 per la promoziun ei buca sufficienta. Tenor el ston ins quintar cun cuosts totals dil project da silmeins frs. 4'000'000.00.

Cussegliera Gelgia Deplaz ha miserias da crer che la reclama che vegn fatga en rama dil project porta era ils spitgai hosps ella regiun. Igl effect da reclama entras la Porta Alpina ei staus fetg gronds. Gelgia Deplaz sedamonda denton nua ch'ils hosps supplementars ein. Ella ei perschuadida dall'idea per l'inscenaziun dalla Tgina dil Rein, ei denton dil meini dad igl emprem megliurar la collaboraziun turistica (Sedrun-Mustér-Andermatt). Las sinergias avon maun ston tenor ella vegnir nezegiadas meglier.

Tenor gerau Marcellino Giger caschunan las discussiuns momentanas pertuccont las structuras turisticas certas malsegirtads. El ei denton perschuadius ch'ei drova independentamein dallas structuras turisticas buns products. Marcellino Giger ei era perschuadius che la Porta Alpina ha augmentau il grad d'enconuschientscha dalla regiun considerablamein.

Tenor cusseglier Primus Deragisch setracta ei d'in interessant project. Igl ei previu d'investar el turissem da stad, quei ch'ei da grond'impurtonza. El ei denton buca perschuadius ch'igl ei oz il dretg mument da decider davart in credit per ina direcziun da project. Primus Deragisch sedamonda tgei nez che l'investiziun porta per il vitg da Sedrun e daco che la vischnaunca Andermatt ei buca integrada. In'enzenna da damonda fa el concernent la regiun San Gottardo e Sedrun Mustér Turissem. El sedamonda schebein ei fuss buca prudent da far uorden cun las structuras turisticas avon che vegnir cul project.

Gerau Marcellino Giger ei dil meini che l'investiziun porta era in nez per il vitg da Sedrun. Biars visitaders vegnan era a star sur notg ella regiun e cunquei purtar in nez era el vitg. Il medem vala era per la Jungfrau ed il Matterhorn. Ad Andermatt ei il project vegnius presentaus e curdaus sin in bien eco. Avon che s'engaschar en caussa sto Andermatt denton sligiar ses agens problems en connex cun las organisaziuns turisticas. Plinavon fatschenta il project da Samih Sawiris las autoritads communalas dad Andermatt fermamein.

Il president communal ei dil meini che l'investiziun da frs. 300'000.00 ei mudesta en relaziun cul nez ch'ella porta. Entochen oz ei vegniu investau buca in rap ella reclama. Igl eco ellas medias ei denton staus immens. Il dretg mument per instradar il project vegn ei mai a dar. Il president communal appelescha dad haver curascha ed ir en ina certa resca.

Cusseglier Severino Solèr vesa las organisaziuns digl ambient sco pli grond crap da scarpetsch per il project. El ei dil meini ch'ina vesta generala (concept per il svilup dil schurmetg dalla cuntrada) ei impurtonta per saver nezegiar sinergias. Instradar la procedura pertuccont il project Tgina dil Rein communablamein cun tala pertuccont la colligiaziun dils territoris da skis ha segiramein avantatgs. Ils aspects digl ambient ston vegnir reglai baul avunda. Severino Solèr vul saver schebein igl ei gia enconuschent tgi che vegn a surprender la direcziun dil project Tgina dil Rein.

Tenor gerau Marcellino Giger ei la direcziun da project aunc buca fixada. El cass ch'il cussegl da vischnaunca conceda il credit vegn la suprastonza communala immediatamein a far l'evaluaziun. Il biro Steiner Sarnen, il qual ha exequiu las lavurs entochen dacheu, vegn en damonda per quella lavur, ha denton negin predretg.

Pertuccont la finanziaziun dil project fa cusseglier Severino Solèr la suandonta constataziun: Tier la damonda da credit per la via Scharinas ha ei dau negina discussiun el cussegl, damai che la finanziaziun succeda per rodund 80% entras subvenziuns. Sch'ins studegia il plan da finanziaziun per il project Tgina dil Rein ves'ins che varga 80% dils mieds derivan buca dalla vischnaunca. La gronda part ei pia "subvenziunada". Severino Solèr ei dil meini da conceder il credit da frs. 300'000.00.

Cusseglier Baseli Huonder disturban las malsegirtads che regian il mument concernent las structuras turisticas. El ei dil meini che Sedrun Mustér Turissem stuess surprender il tgamun dil project Tgina dil Rein. Per quei motiv eis el dall'opiniun da reglar las structuras avon che persequitar vinavon il project, il qual el sa sustener. L'erecziun dall'infrastructura ei ina caussa, la vendita sto denton era esser garantida. Baseli Huonder ha era l'impressiun ch'il cussegl vegni buca orientaus sufficientamein, quei che pertucca il turissem.

Tenor il president dil cussegl vegn ei era el futur a dar in'organisaziun turistica en ina fuorma ni l'autra. La Tgina dil Rein ei e resta sin territori da Tujetsch e la vischnaunca ei responsabla per l'infrastructura che vegn eregida sin siu territori.

Cussegliera Marlies Levy fa la proposta da dar anavos la fatschenta alla suprastonza communala e da conceder il credit per cu la situaziun concernent Sedrun Mustér Turissem ei reglada e cu ins sa tgi che vegn a surprender la direcziun da project.

Tenor il president dil cussegl porta ei nuot da dar anavos la fatschenta alla suprastonza communala.

Per vegnir in pass vinavon basegna ei tenor il president communal il credit. La suprastonza communala ha buca il temps e las enconuschientschas per far ils sclariments ch'ein ussa necessaris. Per quei motiv ei ina direcziun da project centrala.

Cussegliera Marlies Levy retila sia proposta.

Tenor cusseglier Primus Deragisch ei il cussegl da vischnaunca buca orientaus en caussa San Gottardo e Sedrun Mustér Turissem e quei fa vegnir malsegirs. El havess bugen dapli informaziuns en caussa, ei denton promts da conceder il credit da frs. 300'000.00.

Votaziun:
Il cussegl da vischnaunca conceda cun 9 encunter 2 vuschs in credit da frs. 300'000.00 per instradar ina direcziun da project per il project Tgina dil Rein.

 

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

historia-back-01.jpg