Nums e nums ein sefatgs ella Val Tujetsch; mintga toc prau ha siu num, accurat sco pastg e pastiras. E per cass buca mo nums da ual aschia, sch'ins patratga per semeglia dil Busch e dalla Braha, da Canadal e Carpettel, dils Diaulis e da Dieni, da Martinauns e Mulinets, da Riva e Rusas, dil Satur e dalla Schira. Quels nums da tien e da gronda harmonia secaveglian a per culs pli manedels, cun bauns e plauncas, plauns e plats e palius, cugns e crests e plats e canals, cun fontaunas e gondas, cun sorts e stavels e vals.

pdfNums locals Tujetsch

Nums locals Selva e Tschamut
tenor in skizza da Gion Battesta Giger, Selva, che cumpeglia 143 nums locals
Da vart dretga dil Rain naven digl Uaut Nual entochen il Rain de Curnera.
Dalla vart seniastra dil Rain da Carmihut tochen Foppa Gronda/Val Cavradi.

pdfNums locals Selva

Nums locals da Cungieri, Val Bugnei ed anora ed engiu
da Toni Berther, Camischolas/Cuera
Ella Tuatschina nr. 9/1991 hai jeu publicau nums locals "suenter il Strem cun Maises e Valtgeva". Quels nums enconuschev'jeu per gronda part mez. Il bien resun ha intimau mei da silmeins aunc nudar si pil mument quels da Cungieri, Val Bugnei e Nislas entochen en sut Sedrun. Cheu suondan ils resultats rimnai cun grond sustegn d'Ignazi Monn, che ha accumpignau mei sco bien cumpogn e versau enconuschider da quei territori entras sia experienza da pastur, d'um da cuolm (fein a pastg) e secapescha da catschadur.

pdfNum slocals Bugnei

Nums locals sper il Strem
da Toni Berther, Camischolas/Cuera
Mond per ils vitgs dalla Val Tujetsch entuorn, legel jeu adina puspei nums da casas, che derivan d'in territori numnaus aschia, pia nums locals. Da quels ein singuls generalmein enconuschents e tut che sa era nua ch'ils loghens sesanflan. Per auters meins enconuschents e meins gronds sei il prighel ch'els daventien cul temps nums senza connex cun il liug ora ella natira. Entras la meglieraziun da funs ed il svilup turistic sei insumma da temer che bia nums locals svaneschian cun ried.

Quella constataziun ha intimau mei da nudar ils nums locals, silmeins quels suenter il Strem enasi entochen ils Bauns cun quels da Maises e Valtgeva. Sinaquei ch'igl interessau sappi era nua ch'il liug numnau sesanfli circa, recamondel jeu da consultar la carta "Sedrun, Wander- und Skitourenkarte, 1:25'000" edida dall'Uniun da cura e traffic 1984. Sin quella ein ils nums principals dil territori avisau indicai ed ei va cheu per amplificar quels. Davart la scripziun da singuls nums savess ins carteivel sedispitar!

pdfNums locals per Strem

Ina fontauna ei la gliesta el Cudisch da nums retic, volum I, p. ... ss., da Robert de Planta ed Andrea Schorta: TUJETSCH 1440 m. sur mar. Vallada cun 11 vitgs ed uclauns. 1500 habitonts Surfatscha 13 390,97 ha; uaul 590 ha, nunproductiv 4850,50 ha.
Fegl topogr. 407 (Amsteg), 411 (Six Madun). Wettstein = E. WETTSTEIN, Anthropologie und Ethnographie des Kreises Disentis, Zürich 1902.

pdfNums locals tenor Schorta

Ils nums locals da Tujetsch - Nums da funs e da pastg

Ils vischins dad ier e da stiarsas mettan ensemen ina survesta da logs che fa tut smarvigliar. Ils giuvens perencunter, ils ezs scursaneschan e van alla cuorta ed en ton sco nuot crodan ils bellezia bials nums da praus e pastiras en emblidonza.

Poda ch'igl ei indicau da francar silmeins ils loghens da duas vals, da duas vals tipicas, ina encunter miezdi e l'autra enviers mesanotg. E Val Nalps e Val Giuv stattan davontier; ellas omisduas han ina historia da num. Schebi ch'ils nums dallas ulteriuras vals ein gnanc stel menders, anzi - ei valess daveras la peina da rentar cun fivialas tut ils nums da praus e pastiras dall'entira Val Tujetsch. Quei fuss in fatg maisudiu e forsa tuttina ch'enzatgi pren amauns, avon che tut mondi a piarder. Ch'ins setegni pia vid las vals indicadas ed entscheivi cun

Val Nalps
Val Giuv

pdfNums Giuv e Nalps

Flurnamen in der Gemeinde Tujetsch
Die Gemeinde Tujetsch im Kanton Graubünden ist eine der vier Fall-Regionen im WaSAlp-Projekt. In dieser Gemeinde wird ein lokaler romanischer Dialekt gesprochen, das Tuatschin. Schriftsprache ist der romanische Dialekt Sursilvan. Für das Wasalp-Projekt sind Flurnamen wichtig: Sie können Aufschluss auf frühere Nutzungsformen und Eigenschaften von Parzellen geben: Flurnamen "kleben gleichsam am Erdboden fest und leben noch als erstarrte Relikte in fremder Umwelt weiter, wenn die Sprache, aus der sie erwachsen sind, längst schon verklungen ist".

pdfNums locals

Nums locals dall'entira val
La gliesta cuntegn tut ils nums tenor il Cudisch da nums retic e Cudisch da Tujetsch

pdfNums locals tabella

Igl onn 2011 ha il Forum cultural Tujetsch ediu ils nums locals a moda fetg moderna. Tumaisch Valier e Bruno Berther han localisau ils nums e tschentau els en la carta da Google Earth.
Mira: http://www.geo-surselva.ch/
La pressa ha rapportau: pdfNums locals LQ 19-09-11  pdfNums locals LQ

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

historia-back-04.jpg