0013

Il cant da baselgia a Rueras ha priu sia entschatta entuorn l’emprema mesadad dil 19avel tschentaner cun l'installaziun dall’emprema orgla en baselgia da s. Giachen a Rueras. Il chor ha adina puspei saviu quintar cun oreifer bunas cantaduras e buns cantadurs e dasperas persunas cun special engaschi pil cant sacral a Rueras. Il bia dumbrava il chor buca dapli che 20 persunas. Leci Antoni Brugger (1868-1946) ei staus duront decennis il grond promotur dil cant da baselgia a Rueras. Igl onn 1893 cumpra il chor in harmonium neu da Platta/Medel. Forsa gest cun agid da quel vegn il chor d’emprender igl onn 1896 l’emprema messa en quater vuschs.

Maridavan las mattauns, astgavan ellas buca pli cantar el chor ed aschia muncavan savens bunas ed avunda cantaduras ed ei seformava lu per temps in chor viril. Quei ei succediu all’entschatta dil 20avel tschentaner. Naven digl onn 1917 vegn puspei dau ina nova emprova cun in chor mischedau. Cun ina pintga interrupziun da treis onns (1976-79), ed igl onn da cant (2015/2016), ha il chor existiu naven dalla fundaziun entochen oz. Ils motivs ein stai la munconza da dirigent/a.

Las empremas statutas dil chor dateschan digl onn 1929. Igl intent vegn formulaus aschia: „...da entras il cant accumpignar ed embellir il survetsch divin en ed ord baselgia. Perquei intent cultivescha el il cant religius sin speciala moda. El conta era enqual canzun profana.“ Igl onn 1968 vegnan las statutas midadas muort la fundaziun d’in Chor viril Rueras. Naven da 1979 dat ei lu puspei in chor mischedau e las statutas ston vegnir adattadas.

Oz embellescha il chor las usitadas fiastas da baselgia cun metter accents specials sin las fiastas da Nadal e Pastgas e la perdanonza da Rueras, Cor da Maria. Plinavon conta il chor sin giavisch pils giubilars e giubilaras da natalezis ed auters giubileums dil vischinadi da Rueras. Secapescha dat il chor era peisa sin la tgira dil bien contact enteifer las cantaduras e cantadurs cun organisar sentupadas da different gener.

ProcessiunaRueras2

Dirigents:

Gion Flurin Riedi 1911-1913
Placi Giger-Berther 1913-1915
Leci Antoni Brugger 1916-1917
Barclamiu Coray 1917-1920
Bistgaun Cathomen 1920-1922
Giusep Cavegn 1922-1924
Barclamiu Peder, Selva 1924-1936
Gion Michel Peder, Selva 1936-1941
Giusep Gieriet, Camischolas 1941-1959
Vinzens Pally, Rueras 1960-1969
Giusep Caduff, Rueras 1969-1975
Armin Caduff, Cumbel 1979-1981
Vinzens Pally, Rueras 1981-1983
Hans Monn, Camischolas 1983-2001
Tarcisi Hendry, Sedrun 2001-2011
Gieri Spescha, Vella 2011-2015
vacant (Nadal: Erika Steinacher) 2015/2016
Tarcisi Hendry, Sedrun 2016-

 Historia dil chor

 CMR Venzin Tetel


Il cant da baselgia a Rueras

Lavur da Gion Antoni Venzin, Rueras
40 paginas
1954

Notizias da Leci Antoni Brugger, Rueras
Emprema e secunda part, nudau 1915
Tiarza part, nudau 1930

Documents
Statutas digl onn 1929
Canzun La notg da Hans Erni

Rueras 6
Cantaduras e cantadurs dil Chor mischedau Rueras ils 28 da matg 1929 cun caschun dalla benedicziun dils zenns dil niev clutger. Dirigent: Barclamiu Peder, cantadurs: Duri Vigeli Cavegn, Baseli Berther, Gion Antoni Hetz, Giachen Fidel Berther, Gion Antoni Cavegn, Placi Monn, Alfons Hetz, Gion Antoni Venzin, Giachen Fidel Cavegn, Giachen Giusep Venzin, Battesta Caduff, Gion Antoni Giossi; cantaduras: Maria Caduff, Turtè Cavegn, Luzia Cavegn, Giuseppa Hetz, Giuseppa Berther, Anna Giger, Barla Hetz, Maria Catrina Caduff, Giulia Caduff, Maria Ursula Venzin, Ludivina Venzin, Giuseppa Riedi, Anastasia Brugger, Benedicta Venzin, Anastasia Deplaz (plitard muniessa Maria Elisabet)
- ils nums dils cantadurs e cantaduras a moda surveseivla -

Program Rabius 1939 T A quella fiasta han quater chors da Tujetsch priu part: Chor mischedau Sedrun; Chor mischedau Rueras; Chor viril Selva e Chor viril Sedrun

Quen
Cudischet da quen 1929 - 1965
Cudisch da quen 1966 - 1990
Quen dil fondo per renovaziun orgla 1933

 Carta Fiasta da cant Mustér 1946 T Carta postala per la Fiasta da cant sursilvana a Mustér 1946 

Chor mischedau Rueras - 2017
DSCF8340

Davos da seniester: Armin Albin, Ignazi Demarmels, Regula Schmid, Conny Monn, Rita Caduff, Tarcisi Hendry, dirigent
Enamiez: Placi Berther, Alexander Cavegn, Mudest Venzin, president, Gemma Berther, Uschi Cavegn, Jovita Loretz
Davon: Gion Giachen Monn, Ciril Berther, Linus Vincenz, Monica Venzin, Barla Berther, Marlis Decurtins, Regina Berther (silla foto maunca Nina Levy)


Registraziuns
Producziun alla fiasta da giubileum 75 onns Chor mischedau Sedrun igl onn 1989:
mp4CMS Rueras
Producziun per in film davart la NEAT
mp4CMS Rueras NEAT

Pastgas 2017
Da Pastgas 2017 vein nus cantau la premaudiziun dalla Messa postconciliara cun las parts Kyrie, Gloria, Sanctus ed Agnus Dei.
Cumposiziun Claudio Simonet cun text da Fra Silvio Deragisch (1940-2017)


 

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

historia-back-04.jpg