ResunsdilReinFundaziun
Sin iniziativa da scolast Tarcisi Hendry ein otg amitgs e promoturs dil cant semess ensemen e fundau il schaner 1984 in quartet dubel mischedau. Il plascher pil cant romontsch ha intimau e stimulau da fundar ils "Resuns dil Rein". Tuts ein stai pertschards ch'il cantar en ina gruppa pintga pretenda in bienton, porscha denton era vastas pusseivladads ella elecziun dalla litteratura musicala.
Finamira
La finamira essenziala ei stada quella da saver cantar en ina fuorma pintga e tgirar oravontut la canzun populara romontscha. La funcziun sociala e la cumpignia ei stada in ulteriur aspect dalla gruppa.
Activitads
Dapi la fundaziun han ils Resuns dil Rein delectau numerus auditurs cun lur cant. Ils suns e tuns dil Rein 016(= Resuns dil Rein) han denton era resunau e delectau lunsch sur nos cunfins ora.
Duront ils onns d'existenza ha la formaziun cantau a caschun da varga 80 concerts ni producziuns en ed ord vischnaunca. Denter auter ha il quartet era produciu ina gada alla televisiun e registrau pliras canzuns al radio. Il december 1990 han ils Resuns dil Rein schizun giu la cuida da representar la Svizra al 10avel concert da Nadal dils chors dallas Alps (Alpenländische Chorweihnacht) a Tegernsee, Baveira.
Cantaduras e cantadurs

  vusch entrada extrada
Tarcisi Hendry tenor 6.1.1984  
Dori Loretz tenor 6.1.1984  
Beni Hendry bass 6.1.1984  
Norbert Vinzens bass 6.1.1984  
Rosvita Schmid sopran 6.1.1984  
Ursula Cadalbert sopran 6.1.1984 zercl. 1988
Anita Beer alt 6.1.1984 sett. 1988
Judith Hendry alt 6.1.1984  
Jovita Valier sopran    
Margrith Cavegn sopran nov. 1986 sett. 1990
Miriam Berther alt 16.9.1988  
Esther Decurtins sopran 5.9.1990  

Dirigents
Pil success cantic ein las suandontas persunas sefatgas meriteivlas.
Tarcisi Hendry, Sedrun 1984
Meinrad Giger, Mustér 1984 - 1986
Jovita Valier, Camischolas 1986 - 1990
Claudio Simonet, Curaglia 1990 - 1994
Soluziun e fin
Sco igl ei beinsavens tier gruppas e formaziuns canticas pli pintgas; ellas ein pil pli d'in plitost cuort temps. Quei ei era stau il cass ties Resuns dil Rein, aschia ch'il quartet dubel ei suenter otg onns seligiaus si igl onn 1992.

Sedrun-direct 1987 culla Canzun da sturnidar mp4Resuns Sedrun-direct
Producziun a caschun dil giubileum da 75 onns Chor mischedau Sedrun, igl onn 1989
mp4Resuns dil Rein (Canzun dalla mustga)

0
Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

historia-back-03.jpg