L'emprema notizia
Giachen Antoni Venzin da Rueras raquenta en sia specia da cronica, ch’il «Sten nair» (Tumaisch Giusep Schmid, 1784-1866), vevi fatg 1836 ina zun interessanta cumedia pils da Tujetsch, che seigi vegnida dada ils 5 d’avrel 1836 a Rueras sin ina gronda lautga avon casa pervenda. – Il cuntegn da quella eri in signur, che tut levi far esser malsauns e dil qual ins cartevi ch’el vessi da tuttas uisas malsognas. El vegnevi mudergiaus da quater miedis che levien medegar il schani. Il davos seigi in bien vischin vegnius tier el ed hagi detg: quels quater cugliunien el e veglien mo tschitschar ora siu saung e sia buorsa... Il teater eri daus quell’uisa, che tut encurschevi, ch’il «Signur» personificavi il Svizzer e co quel seigi la finfinala vegnius sauns, seschond perreger da siu saun e bien natural. Ils quater miedis significavien las principalas ideas politicas, arisguard ina nova constituziun. «Quels signurs quitavien, la Svizra seigi fetg malsauna e tonaton stetti ella sillas combas», scriva Giachen Antoni Venzin. Las ideas novas liberalas vevi gl’autur beffegiau e sgomiau quell’uisa, ch’el schevi better ora garnetschs dumiec giun plaun entras in survient; quel clamavi lu las «biuas» che representavien la massa senza giudezi – e quellas laguttevien enguordamein tut, rubas e strubas!
Donn che quella cumedia ei ida a piarder. La canzun da quella, che vegneva cantada tenor veglia tradiziun alla fin dalla cumedia ei semantenida. Quella lai bein aunc encorscher «la ductrina dil teater», – mo en general eis ella tenida alla maniera barocca dil 17avel e 18avel tschentaner.

Canzun cantada sin la Cumedia da Rueras ils 5 d’avrel 1836
(Da assistent Tumaisch Giusep Schmed «Sten nair»)

Seigies beinvegni cheu oz tier nus,
Tuts pigns e gronds, signurs e purs,
Nus essan cheu aviartamein,
Secumpari perinamein:
Vivi vus, vivi nus, vivi Diu cun nus,
Vivi la giuventetgna!

Per demussar divertiment
Che duei esser legherment,
Vegn persentau ina cumedia
Ch’ei plitost ina tragedia:
Vivi vus, vivi nus, vivi era Diu cun nus,
Vivi nos babuns!

Selegri pia nossa patria,
Che giuventetgna aschi patratga
Da divertir e praticar,
Co ins duei viver e semussar:
Vivi vus, vivi nus, vivi era Diu cun nus,
Vivi nossa patria!

Ei avon Diu ed al mund
Mai stau cuntrari e schizun,
Rugheien pia tuts adina,
Ch’el vegli cun nus la grazia sia
Vus gidar, nus gidar,
e da tut mal schurmegiar,
Vivi nossa val!
Dein pia a nos geniturs
Obedientscha, respect e honur
Ils geniturs e superiurs,
cultiveschien lur inferiurs:
Vivi vus, vivi nus, vivi nos superiurs,
Vivi nos geniturs!

Tener quels en regla e vigilar
Ed era bien exempel dar,
Ils spirituals e nos pasturs
Sprezeien mai, dein tutt’honur:
Vivi vus, vivi nus, vivi Diu cun nus,
Vivi nos spirituals!

Era buca meins nos confessurs,
Che tilan nus ord ils errurs,
La lur cordiala admoniziun
Suendeien cun attenziun:
Vivi vus, vivi nus, vivi era Diu cun nus,
Quel conservi ils confessurs!

Con ventireivels pia lura
Essan nus sil mund mintg’ura,
Ed enten tschiel guess vegnir,
Cun ils beai leu Diu survir:
Vivi vus, vivi nus, vivi era Diu cun nus,
Culs beai leu Diu survir!

Maria vegli impetrar
Che nus pudeien leu legrar;
Sogn Giachen nies glorius patrun
Schurmegi nus cheu sin quest mund:
Gidi vus, gidi nus, seigies adina cun nus,
Salideien nos sogns patruns! 

La Gasetta Romontscha digl onn 1867 rapporta per l'emprema gada d'in teater culs giuvens da Tujetsch: 
En preschientscha d’in numerus publicum han ils frestgs giuvens da Tujetsch dau ils 25 da fevrer 1867 ina legra ed instructiva producziun teatrala a Sedrun. „Il fabricant dall’aura“ translatau da pader Baseli Berther, ei in tema fetg pratic ed interessant pil pievel. Il versau translatur ha dasperas buca schau muncar da cungir la translaziun cun saladas remarcas per tuts stans e saluteivlas presas per umens e femnas. Ord las vehementas debattas dils umens e dallas femnas ha ei sufficientamein semussau, ch’il vegnir perina tgei aura schar far, seigi ual aschi difficil sco il fabricar l’aura. Ils acturs han per la gronda part giugau lur rolla en uorden, aschia che sez finas actrissas leu presentas, han dau ad els unanim laud. Ins vess denton giavischau ch’ei fuss buca vegniu perorau tut en fin romontsch, sunder era empau dialect tuatschin, silmeins en quella interessanta scena, nua che las femnas sescagnavan e sepitgavan. Ina honorifica menziun mereta era il bi cant producius dils medems giuvens.
Gasetta Romontscha nr. 9, 1 da mars

Entschiet ha la historia dil teater ils onns 1860 cul giavisch dils giuvens cantadurs da far teater. Ella casa da scola (1848) sin Cadruvi fuss ei buca iu. Perquei han ils giugadurs retratg la remisa dalla Cruna. La sala da teater ella scola nova dils anno 1886 a Gonda/Sontget ei era buca stada bia dapli ch'ina remisa. Giugadurs e regissurs savessen raschunar dabia, sco per exempel dallas seras freidas, cura ch'ei ha piztgau las unglas duront las emprovas da teater. - Tuttina han ins fatg teater e biars e biars ein vegni a teater, la glieud da Tujetsch en mintga cass era dad ordeifer entiras cudrias.
Buca mo ils cantadurs, era la societad da musica e la cumpignia da mats, ils giuvens ed autras uniuns ein segidadas cun las cumedias, aschia alternativamein.
Igl onn 1867 han ins entschiet cul toc " Il fabricant dall'aura" e biars dramas ed auter ein suandai. La survesta emprova da far resortir las massadas da producziuns. E tgeininas!

Ina cronologia

1867 Il fabricant dall'aura, ils 25 da fevrer 1867 a Sedrun, giuvens cantadurs
"En preschientscha d’in numerus publicum han ils frestgs giuvens da Tujetsch dau ils 25 da fevrer ina legra ed instructiva producziun teatrala a Sedrun. „Il fabricant dall’aura“ translatau da pader Baseli Berther, ei in tema fetg pratic ed interessant pil pievel. Il versau translatur ha dasperas buca schau muncar da cungir la translaziun cun saladas remarcas per tuts stans e saluteivlas presas per umens e femnas. Ord las vehementas debattas dils umens e dallas femnas ha ei sufficientamein semussau, ch’il vegnir perina tgei aura schar far, seigi ual aschi difficil sco il fabricar l’aura. Ils acturs han per la gronda part giugau lur rolla en uorden, aschia che sez finas actrissas leu presentas, han dau ad els unanim laud. Ins vess denton giavischau ch’ei fuss buca vegniu perorau tut en fin romontsch, sunder era empau dialect tuatschin, silmeins en quella interessanta scena, nua che las femnas sescagnavan e sepitgavan. Ina honorifica menziun mereta era il bi cant producius dils medems giuvens." Gasetta Romontscha nr. 9, 1. da mars 1867
1868 Las producziuns teatralas, da cant e musica tenidas quest meins a Laax, Glion, Ladir, Rabius, Mustér e Sedrun (tgei toc e tgi ??) ein sco ins auda ualti dapertut curdadas ora per cuntentientscha digl auditori. ... GR nr. 9, 28 da fevrer
1869 La societad da cant dil Badus ha Gliendisdis Tscheiver divertiu ils Tuatschins cun sias bialas canzuns e siu legher declamatori cungius cun bein enqual remarca sullas femnas ed il traffic d’ozildi. ... Gasetta Romontscha nr. 8, 19 da fevrer
1888 Paulinus de Nola, a Sedrun, da pader Baseli Berther
1889 La villa spel stradun a Sedrun entuorn 1889/1890 e la secunda gada Pastgas 1927
1898 Producziun teatrala a Sedrun
Gievgia grassa, ils 17 e dumengia ils 20 da fevrer vegn menau si: Il fegl scumbigliau ni Calger stai tier tiu laisch. Cumedia en treis acts. Denter ils acts: musica. Avertura a l’ina e mesa suentermiezdi. Entrada: I. plazza 80 cts. II. plazza 50 cts. Affons la mesadad. Tier numerusa frequenza envida gentilmein: La societad da musica Sedrun
1899 Producziun teatrala dalla Societad da musica Sedrun a Tujetsch - Il zenn miraculus - Drama en 5 acts da Guglielm Kamerer - Translatau 1898 da Gion Felici Monn - Giugadurs: Tumaisch Beer; Emanuel Deragisch; G(?). F. Deragisch -  Il spazzatgamin - Comedia en 1 act da pader Baseli Berther - La Societad da musica Sedrun - Inserat
- Gasetta Romontscha: La Societad teatrala da Tujetsch ha dau el decuors dil Tscheiver cun tutta bravura il drama: "Il zenn miraculus" (translataus da Gion Felici Monn) e la cumedia dil "Spazzatgamin".
1900 Teater a Sedrun - Ina jerta - Cumedia en 3 acts - Oz a mi, damaun a ti! - Cumedia en 2 acts - La Societad da teater - Inserat ella GR
1902 Teater a Sedrun el Hotel dalla Cruna - Paulinas de Nola ni La vera carezia humana - Tragedia en treis acts - Il ranver converrtiu - Drama en in act d'Alfons Tuor - Cant e musica _ La Societad da teater - Inserat ella GR
1905 Producziun a Sedrun - Dumengia ils 26 da fevrer; Gievgia grassa ils 2 da mars e dumengia ils 5 da mars ella sala dalla Cruna a Sedrun - Igl aunghel dalla paisch - Drama en 5 acts da pader Maurus Carnot - Denter ils acts cant e musica - La societad da teater - Inserat ella GR
1908 Sogn Willibaldtranslatau da Giachen Giusep Tomaschett, arranschau per la tribuna da pader Baseli Berther; menau si il tscheiver 1908 dils giuvens.
1911 Producziun teatrala a Sedrun - Dumengia ils 19, Gievgia-grassa ils 23 e Gliendisdis tscheiver ils 27 da fevrer - Il raffinau speculant - Drama en 3 acts ord il temps digl onn dalla fom 1817 da prof. Kimmacher - Denter ils acts producziuns dil chor viril - Il Chor viril Sedrun
1914 Teater a Sedrun - Dumengia proxima ils 8 e dumengia ils 15 da fevrer all' 1½ s.m. e Gievgia grassa allas 8 uras dalla sera, meina il chor viril si il toc humoristic en 3 acts "Dr. Rempli" ni "Nus mein a Camerun" uniu cun producziuns da cant e musica. - Il Chor viril Sedrun
1916 Garcia Moreno, drama, Chor viril Sedrun - La cronica noda: Denton han ils acturs savens era dedicau in ton dils fretgs de lur savurs e stentas dramaticas a caussas pias, aschia per exempel per in artg sigl altar de Nossadunna ed igl onn 1916 igl entir recav de «Garcia Morena», producius cun special success, per il tetg niev da S. Vigeli.
1920 Entelgientscha denter la ludeivla vischnaunca da Tujetsch e las societads da musica, cant e cumpignia da mats Tujetsch ariguard sala da teater. Baghegiada 1920.
1. La sala ei e resta proprietad dalla ludeivla vischnaunca e survescha en emprema lingia a quella per siu diever.
2. Las differentas societads, musica, chor viril e cumpignia da mats gaudan la sala communablamein ed egual per far teater, tener radunonza ed exercezis da cant e musica.
3. Per evitar malaveglias entras ina societad ni l'autra vul e far teater dueien mintgamai ils suprems organs da quellas treis societads secunvegnir.
4. Dus onns in suenter l'auter ha la medema societad buc il dretg da far teater, sche ina autra vul far teater.
5. Las societads dueien segidar ina l'autra vicendeivlamein e manterner pasch e harmonia ina cun l'autra.
Tujetsch, ils 20 da fevrer 1921
Per la vischnaunca: Vigeli Venzin, president
Per il Chor viril: Lucas Berther, president
Per la Societad da musica: Battesta Soliva, president
Per la Cumpignia da mats: Gion Antoni Monn, capitani
1921 Teater a Sedrun en sala dalla scola las dumengias, ils 23 e 30 da schaner ed ils 2 e 6 da fevrer. Sogn Willibald Drama historic en 5 acts ord il 18avel tschentaner -  Denter ils acts producziuns da cant e musica. La societad da mats Tujetsch
1922 Teater a Sedrun. Dumengia, ils 5 e dumengia ils 12 da fevrer all'1.30 sm. La mort della garda svizzera, ils 10 d'uost 1792 a Paris. Drama historic en 5 acts da F. H. Achermann, translatau da Sep Mudest Nay. Duront las pausas producziuns da cant e musica. Chor viril e musica Sedrun
1924 Teater a Sedrun. Dumengia, ils 3 e dumengia ils 10 da fevrer. Avertura dalla cassa a l'1, entschatta allas 1.30. Ils heroxs da Nidwalda. Drama historic en 5 acts da F. H. Achermann. Chor viril e muisca Sedrun.
1925 Concert a Sedrun, gliendisdis, ils 2 e dumengia ils 8 da fevrer. Producziun da cant e musica en uniun cun 2 tocs humoristics: 1. Il survitur dil docter, toc niev, translataus da Gion Felici Monn. 2. Il rugadur. Cumpignia da mats Tujetsch
1926 Cumedia a Sedrun. Mardis ils 2 e dumengia ils 7 da fever. Entschatta mintgamai a l' 1½ s.m. - Representaziun dils 3 tocs humoristics. 1. Il ranver en 1 act da Alfons Tuor. 2. Gion il survient en 1 act da Gieri Vincenz. 3. Il paterlun e 2 acts da pader Baseli Berther. 4. Producziuns da cant e musica. Las societads da musica e Chor viril Sedrun
1927 La villa spel stradun
1927 Concert a Sedrun, Gliendisdis Pastgas en sala da scola unius cun Producziuns humoristicas. Il Chor viril Sedrun
1928 Drama en 5 acts da revendissim pader Maurus Carnot: Venantius -ils 22 e 29 da schaner ed ils 5 da fevrer. Cun producziuns dalla Musica Sedrun e Chor viril Sedrun.
La Cumpignia da mats. 

1929 Igl aunghel dalla paisch, drama en 5 acts da revendissim pader Maurus Carnot; ils 13, 20 e 27 da schaner. Producziuns dalla Musica Sedrun e Chor viril Sedrun.
La Cumpignia da mats. 
Total entradas  1556 frs.
Total expensas   793 frs.
Avanzament       763 frs.
1929 La spusa per forza, cumedia, Chor viril Sedrun
1930 Concert Giubilar - Dumengia proxima, ils 23 d.q. all'1.30 s.m. ed allas 8 uras dalla sera en casa da scoa - 1. Producziun da cant - 2. Producziun chinomatografica (Banchier cul zapin - Drama) - 3. Canzuns - 4. Toc humoristic (Kino) - 5. Canzuns - Il chor viril Sedrun - Inserat ella Gasetta Romontscha
1931 Tgi che memia sembruglia dat ella buglia (Ein fröhliches Verhöhr), Societad da musica ella sala dalla Cruna
1931 Teater a Sedrun - Duemngia il 18 da schaner, ils 25 ed ils 2 da fevrer - La mort dil bandit Drama en 3 acts - Versiun romontscha da sur Carli Fry - Casper Larifari sco sculptur - Toc humoristic en 2 acts - Versiun romontscha da signur scolast Gieri Vincenz - Producziuns dalla musica e dil Chor viril Sedrun - La Cumpignia da mats Tujetsch - Inserat
1933 Gion il survient Ina inspecziun ed Il ranver, Societad da musica Sedrun e Chor viril Sedrun en sala da scola
1933 Chor mischedau Rueras menau si in toc humoristic cun concert
1934 Chor mischedau Rueras menau si in toc humoristic cun concert
1935 Chor mischedau Rueras menau si in toc humoristic cun concert
  Tenor notizias da Gion Antoni Venzin ha il Chor mischedau Rueras menau si quels onns ils suandonts tocs: Il misterius svegliarin da G. Vincens, Co Fridolin ha dau il signur da pader Flurin, Il miedi dils mieds naturals romontsch da sur Berther, Recrutaziun, Il lader Stoffel romontsch da pader Flurin, Ils conts da Kyburg romontsch da Gion Michel Peder, Hotel en eroplan da Gieri Vincens
1935 Concert dil Chor viril e dalla musica el hotel Cruna, ils 4 da mars 1935, allas 20.30 cul toc humoristic: Il stroli da maseinas (tier il fotograf). Toc humoristic en 1 act. Program
1936 Dus tocs humoristics, concert dalla Societad da musica Sedrun e Chor viril Sedrun
1936 Chor mischedau Rueras menau si in toc humoristic cun concert
1936 Smaledicziun dil bab - Drama en 3 acts da Richard Bertram. Translataus da Gion Felci Monn, Tujetsch - L'Uniun dramatica Rueras
1936 Teater a Sedrun. Dumengia, ils 12, ils 19, ils 26 da schaner e Nossadunna da candeilas. Entschatta allas 2 s.m. Capitani Jaguar da Giusep Eckerskorn. Versiun romontscha da scolast Toni Hendry. Drama ord la persecuziun en Mexico, en 5 acts. - All'entschatta producziuns da cant e musica.
Las societads da cant e musica.
1937 Poducziun teatrala a Rueras. Ils 2 e 9 da matg. Il miedi da mieds naturals. Toc humoristic en 3 acts da F. Achermann. - Versiun romontscha da sur Christian Berther. - Duront las pausas producziuns da cant. - En favur dalla restauraziun dalla baselgia da s. Giachen.
Chor viril Rueras.
1937 Ils 23 da matg 1937: Sepli tiel fotograf e Il ranver convertiu dad Alfons Tuor. Cun entginas canzuns. Il Chor viril da Selva-Tschamut
(GR - Comm.) Il Chor viril da Selva-Tschamut ha gia entginas ga dau cun success e buna frequenza sia producziun teatrala "Sepli tiel fotograf" humoresca en 1 act ed "Il ranver convertiu" da Alfons Tuor, cun entginas bialas canzuns. - Ina davosa producziun dil sura ha liug puspei ils 23 d.q. ed ins sa unir cun quella fetg bein ina pintga devoziun tier la Mumma digl agid a Sutcrestas. - Al premurau signur scolast Giusep Gieriet nies cumpliment ed engraziament ed als cantadurs ed acturs tut speciala renconuschientscha.
Inserat ella Gasetta Romontscha
1938 Teater a Sedrun, dumengia ils 16, ils 23 e Nossadunna da candeilas (2 da fevrer) allas 2 s.m. - La cameriera da RobespierreCumedia en 5 cats da Franz Heinrich Achermann, translatau da Toni Hendry; Societad da muisca Sedrun e Chor viril; reschia Toni Hendry: Persunas
1938 Dus tocs humoristics per Gliendisdis Tscheiver ella sala dalla Cruna, Societad da musica Sedrun
1939 Teater a Rueras. Ils conts da Kyburg- ni tegn bab e mumma en honur - Gievgia, ils 27 d'avrel e dumengia ils 30 d'avrel. - Drama en 3 acts da Bertram, versiun romontscha da Baseli Capeder. - Duront las pausas producziuns da cant. - Il Chor da baselgia Rueras.
1940 Ruffinaus ston ins esser ed Il parler Steiner da Placi Deragisch, Concert Societad da musica Sedrun e Societad da cant
1943 Teater a Sedrun - Dumengia, ils 24 da schaner, Nossadunna da candeilas, ils 2 da fevrer, dumengia, ils 14 da fevrer mintgamai all'1.30 s.m. - Garcia Moreno, - Drama en 5 acts da Albert Hägeli - Translatau da signur Gion Felici Monn - Reschia Gion Felici Monn - La Societad da musica Sedrun - Program
1945 Teater a Sedrun - Gliendisdis-Pastgas, ils 2 d'avrel - Dumengia, ils 15 d'avrel 1945 - Gionet da Giuv - Giug per affons en 4 maletgs da Felici Hendry - Scola secundara e primara, Sedrun
1946 Chor mischedau Rueras menau si in toc humoristic cun concert
1946 Teater a Sedrun - Duemngia, ils 13 ed ils 27 da schaner allas 13.30. Nossadunna da candeilas allas 13.30. Dumengia, ils 3 da fevrer allas 13.30  - Sontga Genoveva - Cumedia en 7 maletgs fatga per romontsch da sur Carli Fry, tenor in original tudestg en prosa. - Cumpignia da mats Tujetsch
1947 Teater a Sedrun- Giendisdis-Pastgas, ils 7 d'avrel allas 2 s.m. ed allas 8.30 dalla sera - Dumengia, ils 13 e 20 d'avrel  - Tratsch carezau - Drama original en 4 acts da Felici Hendry. Per part scenarias novas da frars Columberg, Mustér. All'entschatta producziuns da cant - La giuventetgna da Sedrun
1948 Teater a Sedrun - Dumengia, ils 11, 18 e 25 da schaner e Nossadunna da candeilas, ils 2 da fevrer all'1¾ s.m. - Ils frars Taverna, Drama da Max Hansen - Per romontschh e reschia Toni Hendry - La Societad da musica Sedrun
1948 Teater a Rueras - Dumengia, ils 11, 18 d'avrel  - Crusch e steila sovieta - Drama en 4 acts da J.Eckerskorn, translatau da sur dr. Carli Fry - Regissur Sigisbert Giossi - Ils Giuvens da Rueras
1949 Teater a Sedrun - Dumengia, ils 23 e 30 da schaner - Engurdientscha fa pitir - Drama popular en 4 acts tenor J. Gotthelf - Translaziun libra da sur Giusep Durschei - All'entschatta producziuns dalla Societad da musica Tujetsch - La Cumpignia da mats Tujetsch
1949 Teater a Rueras - Maria Madleina - Drama per giuvnas da B. Ponholzer - Chor mischedau Rueras - reschia Luis Cavegn
1950 Teater a Sedrun - Buania, ils 6 da schaner allas 8.30 d.s. - Dumengia ils 8 da schaner al'1.00 s.m. - Dumengia, ils 15 da schaner allas 2.00 s.m. - La sort d'in affon - Cont Frideric d'Eichenfels - Drama en 5 acts, elaboraus suenter la novella da Christoffel Schmid, da Felici Hendry, Segnas cun canzuns da scolast Giusep Huonder - Scola reala Tujetsch - Inserat
1950 Teater a Rueras - Dumengia, ils 30 d'avrel allas 14.00 ed allas 20.30, dumengia, ils 7 da matg allas 14.00 - La smaledicziun dil bab - Drama en 3 acts da Richard Bertram. Translataus da Gion Felci Monn, Tujetsch - L'Uniun dramatica Rueras
1950 Giubileum dalla Societad da musica Sedrun (75 onns), ils 30 da fenadur 1950 silla plazza spel hotel Alpsu, Sedrun. - Giug festiv: Pievel salva tia dignitad cumponiu e dirigiu da Felici Hendry, Cavorgia - 75 onns Societad da musica
1950/51 Teater a Sedrun - Buania ils 6 da schaner all'1.30 s.m. - Dumengia, ils 7 da schaner all'1.30 s.m. - Mardis, ils 9 da schaner allas 8.30 dalla sera - Aram Bela - Drama religius da F. H. Achermann. Per romontsch da sur Giusep Durschei - Reschia sur Giusep Durschei, Sedrun - La Societad da musica Sedrun
1951 Teater a Sedrun - Gliendisdis-Pastgas, ils 26 da mars all'1.30 - Dumengi'alva, igl 1. d'avrel allas 8.30 - Igl aunghel dalla pasch - Drama en 5 acts da pader Maurus Carnot OSB -  Translatau da Gion Felici Monn, Camischolas/Sedrun - Il recav va per la caplutta da s. Bistgaun a Giuv - Uniun dramatica Rueras - Embelliu entras la Societad da musica Sedrun - Program
1951 Culissa sursilvana - Sonda, ils 2 da zercladur 1951 allas 8.30 d.s. e Dumengia, ils 3 da zercladur 1951 allas 8.30 d.s. representein nus a Sedrun en sala dil hotel Cruna - Ei quei nies avegnir? - Drama futuristic da Felici Hendry - Culissa sursilvana - Inserat ella GR
1951 Fiasta dalla Romania dils 2 da settember 1951 alla plazza festiva a Mira. -  Giug festiv: L'alp strienada - Dramatisaziun d'ina detga enconuschenta scretta da sur Giusep Durschei, plevon a Sedrun.
1952 Teater a Sedrun - Bunania, ils 6 da schaner - Cuolpa ed expiaziun - Drama en 5 acts da Johann Radermacher - Romontsch da Sigisbert Giossi - All'entschatta producziuns dalla musica - Cumpignia da mats Tujetsch
1952/53 Teater a Sedrun - S.Stiafen, ils 26 da december allas 8.30 d.s. - Dumengia, ils 28 da december allas 8.30 d.s. - L’oraziun dalla mumma - Drama en 5 acts ord ils cuolms grischuns da C. A. Angst-Burkhardt - Translaziun e reschia Sigisbert Giossi, Rueras - All'entschatta producziuns dalla musica - Societad da musica Sedrun
1953 Teater a Sedrun - Gliendisdis-Pastgas, ils 6 d'avrel all'1.30 ed allas 8.30 d.s. - Dumengi'alva, ils 12 d'avrel allas 8.30 d.s. - Cumpogns da viadi - Drama en 5 acts (6 maletgs) da Josias Caviezel. Per romontsch da Sigisbert Giossi - All'entschatta producziun da cant - Ils giuvens da Sedrun
1953 Teater a Sedrun - S.Stiafen, ils 26 da december all'1.30 s.m. - Dumengia, ils 27 da december all'1.30 s.m. ed allas 8.30 dalla sera - Tell - Drama popular en treis acts da Paul Schöck. Per romontsch da sur Giusep Durschei - Reschia sur Giusep Durschei - Tecnica Sigisbert Giossi, Rueras - La Cumpignia da mats Tujetsch
1955 Teater a Sedrun - Dumengia ils 9 e 16 da schaner allas 13.30 e 20.30 - Venantius - Legenda dramatica en 5 acts da revendissim pader Maurus Carnot OSB - Per romontsch da sur dr. Gion Cahannes - Reschia Gion Felici Monn, Sedrun - All'entschatta producziuns dalla Societad da musica - La Societad da musica Sedrun
1955 Teater a Tschamut - Striuns - Toc humoristic en in act, translataus en romontsch da scolast Gion Michel Peder - Dumengia, ils 16 d.q. suentermiezdi allas 2.00 e la sera allas 8.30 - Il recav va en favur dalla caplutta da Nossadunna digl agid a Sutcrestas - La giuventetgna da Selva
1955/56 Teater a Sedrun - S. Stiafen, ils 26 da december 1955 allas 02.15; Buania, ils 6 da schaner 1956 e dumengia, ils 8 da schaner 1956 alllas 8.15.  - Ils davos pagauns a Ruma - Drama en 5 acts da Werner Mehle, translatau da Sigisbert Giossi, Rueras - Reschia scolast Leci Jacomet, Sedrun - Cumpignia da mats Tujetsch
1956 Teater a Selva-Sutcrestas - Dumengia, ils 5 da fevrer allas 14.00 e 20.00, gievgia, ils 9 da fevrer allas 20.30 - Tina e ses artavels - Toc humoristic en 2 acts da Benedetg Caminada - Gioder va a fiera - Toc humoristic en 3 acts da Benedetg Caminada - Reschia scolast Lorenz Paulin - Il recav va en favur dalla caplutta Maria-Hilf/Sutcrestas.  - Ils 9 da fevrer suenter representaziun notg libra a Tschamut. - Giuventetgna da Selva-Tschamut - Inserat
1956 Teater a Rueras - Gliendisdis-Pastgas, ils 2 d'avrel all'1¾ s.m. ed allas 8.30 - Dumengi'alva, ils 8 d'avrel allas 8.30 d.s. - Dumengia, ils 15 d'avrel all'1¾ s.m. ed allas 8.30 d.s. - Atgna cuolpa - Toc popular ord ils cuolms en 5 acts da Paul Appenzeller. Per romontsch da Sigisbert Giossi - Reschia Sigisbert Giossi -  Ils giuvens da Rueras
1957 Teater a Sedrun - Gliendisdis-Pastgas, allas 14.00 ed allas 20.30 - Dumengia, ils 28 d'avrel allas 20.30 - Venderdis, ils 3 da matg allas 20.30 - La matta giul Schuob - Cumedia populara ord temps vargai en quater acts da sur Carli Fry - Reschia Felici Monn, Sedrun - Chor mischedau Sedrun
1957 Verkehrspolitische-Utopie da sur Stephan Schuoler ed Inauguraziun  dalla Cruna da Placi Deragisch a caschun dalla radunonza generala dalla Uniun da traffic cantunala entras la Societad da musica Sedrun
1959 Concert e cumedia a Sedrun en sala da scola - Dumengia, ils 8 da fevrer allas 2 s.m. - Gliendisdis-Tscheiver, ils 9 da fevrer allas 8.30 d.s. - Il misteri dallas auas sutterranas - Toc humoristic original da Placi Deragisch - Reschia da Placi Deragisch  - Societad da musica Sedrun - Inserat
1960 Placat Il zennet da TaraspTeater a Rueras - Nossadunna da candeilas, ils 2 da fevrer, ils 7, 10 e 14 da fevrer 1960 - Il zennet da Tarasp - Giug dramatic en 5 acts da pader Maurus Carnot - Sala nova - Reschia: Sigisbert Giossi, Rueras - Uniun dramatica Rueras -  Program  (emprema gada cun femnas ??)
1961 Fidel permiert e Aug Laumer, reschia Placi Deragisch, concert da Gliendisdis Tscheiver dalla Societad da musica Sedrun
1961 Teater a Rueras - Buania, ils 6 da schaner allas 8.30 d.s. - Dumengia, ils 8 da schaner - Mesjamna, ils 11 da schaner - Dumengia, ils 15 da schaner, allas 1.30 ed allas 8.30 d.s. -Nossadunna de Fatima - Drama religius en 4 acts da Johann Domine - Per romontsch da sur canoni Carli Fry - Reschia: sur Baseli Albin - Uniun dramatica Rueras,  - Program
1961 Placat Il zenn cueschaTeater a Rueras - Ils 16, 19 e 23 d'avrel 1961 - Il zenn cuescha - Drama historic en treis acts da Kurt Werner - Per romontsch da Sigisbert Giossi, Rueras - All'entschatta concert dalla Societad da musica Sedrun - Il recav va en favur dallas missiuns - La Cumpignia da mats Tujetsch - 
1961 Concert dil Chor da vallada Tujetsch  en casa da scola a Rueras - Gliendisdis-Tschuncheismas, ils 22 da matg allas 20.15 - Venderdis, ils 26 da matg e dumengia s.m., ils 28 da matg allas 14.00 - Il pur suveran - Da sur Giusep durschei (Ina humoresca miez-seriusa) - Musica accumpignonta da Giusep Huonder - Il ranver - Cumedia imitada en 1 act da Alfons Tuor - Chor da vallada Tujetsch
1962 Placat Senza cuolpaTeater dil Chor mischedau Sedrun a Rueras - Ils 18, 21 e 25 da fevrer 1962 - Senza cuolpa - Drama en 5 acts, per romontsch da sur Carli Fry - All'entschatta producziuns da cant - Reschia Placi Deragisch
1962 Teater a Rueras - Dumengia, ils 7 da schaner, mesjamna, ils 10 da schaner e dumengia, ils 14 da schaner - Reconciliaziun- Per romontsch da revendissim sur canoni Carli Fry -  Drama popular en tschun acts da Guglielm Lenze - Reschia: Sur Baseli Albin - Uniun dramatica Rueras
1962 Concert dil Chor da vallada Tujetsch a Rueras - Ils 13, 18 e 20 da matg 1962 - Dus tocs humoristics cun cant e musica - Chor da vallada Tujetsch
1962 Concert dil Chor da vallada Tujetsch en casa da scola Rueras - Ils 11, 15 e 17 da zercaldur 1962 - Humoresca - Ils Rimnalumpas - Chor da vallada Tujetsch
1962 A Rueras - Calger stai -tier tiu laisch - Reschia sur Baseli Albin e Placi Monn (?)
1963 Teater a Rueras - Ils heroxs de Nidwalden - Drama historic en 5 acts da Franz Heinrich Achermann - Versiun romontscha da Sep Mudest Nay - Reschia: sur Baseli Albin - Uniun dramatica Rueras - Inserat - Program
1963 Producziuns dil Chor mischedau Sedrun - Gliendisdis-Pastgas, allas 20.30 en sala da scola - Sut la pantofla dils stadi - In act da Placi Deragisch - Onda Mengia - Dus acts da Placi Deragisch - Chor mischedau Sedrun - Inserat
1963 Placat InescadinA Sedrun e sala da scola nova - Ils 10, 15, 17, 22 e 24 da fevrer 1963 -Inescadin - ni il giug dalla mort digl um reh  da Hugo de Hofmannsthal - Versiun romontscha da sur Giusep Durschei - Uniuns reunidas Tujetsch - Reschia sur Giusep Durschei; Program
1963 Concert dil Chor romontsch dils scolars cantunals a Sedrun - Ils 18 da matg 1963 allas 20.00 en sala communala - In truament cun bia levsenn - Cantata humoristica cun accumpignament da clavazin - Inserat
1963/64 Placat LumpazivagabundusTeater a Sedrun - S. Stiafen, ils 26 da december ed ils 29 da december 1963; ils 5 e 6 da schaner 1964 - Lumpazivagabundus - Cumedia en 5 acts ed in prolog da G. Nepomuc Nestroy ed A. Müller. Arranschau per romontsch da sur Giusep Durschei - Il giug vegn daus en sala nova da Sedrun cun culissas novas - Uniuns reunidas Tujetsch - Reschia sur Giusep Durschei; Program
1964 Teater a Rueras - Il fegl perdiu - Drama (giug biblic) en tschun acts da sur L. Derungs - Versiun romontscha  (dil surmiran el sursilvan) da sur Baseli Albin - Uniun dramatica Rueras, reschia: sur Baseli Albin - Program
1964 Concert cun Toc humoristic a Sedrun en sala da scola nova _ Dumengia, ils 9 da fevrer 1964 e Gliendisdis-Tscheiver, ils 10 da fevrer 1964 - Societad da musica Sedrun - Inserat
1964 Placat HumorescaConcert dalla Societad da musica Sedrun - Gliendisdis Tschuncheismas, ils 18 da matg 1964 el Hotel Alpsu, Sedrun - Direcziun Teofil Schmid - ... II. Intermezzo temporan da Placi Deragisch -
... IV. Humoresca? (Improvisau "Im Engadin")

1964 A Sedrun - Sera hilarica cun impediments - Giug humoristic da Gieri Vinzens - Fiasta da giubiluem 50 onns Chor mischedau Sedrun
1964/65 Placat JolandaTeater a Sedrun - S. Stiafen, ils 26 da december, ils 27 da december. ils 3, 6 e 10 da schaner 1965 - Jolanda la nunenconuschenta - Drama en 5 acts da Paul Appenzeller: Die Namenlose; romontsch da sur Giachen Berther,  - Uniuns reunidas Sedrun-Tujetsch - Reschia Placi Deragisch 
1965 Placat Clau da FliaTeater a Rueras - S. Stiafen, ils 26 da december 1965 - ils 6, 9 e 12 da schaner 1966 - S. Clau de Flia - il sogn herox - Patrun da nossa patria - Drama en 5 acts da v. Arx Niederer-Erlisbach - Versiun ed adapziun romontscha da sur canoni Christian Berther - Uniun dramatica Rueras - Reschia: Duri Battesta Venzin - Program - Foto
1965 Concert dalla Societad da musica Sedrun - Dumengia, ils 28 da fevrer 1965 e Gliendisdis-Tscheiver, igl 1. da mars 1965 - Producziuns musicalas - Dus metschafadigias - Toc humoristic da Placi Deragisch - Societad da musica Sedrun - Inserat
1966 Concert a Sedrun - Gievgia Grassa, ils 17 da fevrer 1966 e dumengia, ils 20 da fevrer 1966 Giug humoristics - Ils ménders - Da Gieri Vincenz, TrunChor mischedau Sedrun ed Uniun da tamburs - Inserat
1966 Chor mischedau Rueras ha menau si il teater La matta dils egls claus (da sur Carli Fry) cun concert.
1966 Concert a Sedrun - Gliendisdis-Pastgas, ils 11 d'avrel 1996 e Venderdis, ils 15 d'avrel 1966 en sala da scola nova a Sedrun - Il niev Capellmeister - Toc humoristic en dus acts da H. S. Jud, jun., tanslataus da signur mistral Gieri Vincenz, Trun - Regissur Sigisbert Giossi, Rueras - Societad da musica Sedrun
1966 A Sedrun - Il tat ha mustgas da maridar - Cumedia en 2 acts da Kasper Freuler e B. Jenny-Fehr - Societad da musica Sedrun - reschia Gion Battesta Monn - Persunas
1966/67 Teater a Sedrun - Il legiunari da Mittwald - Drama popular en tschun acts da Ernst Krattiger - Versiun romontscha da Placi Deragisch - Sogn Stiafen, ils 26 da december 1966; Buania, ils 6 da schaner 1967 - Uniuns reunidas Tujetsch
1967 Concert a Sedrun - Gliendisdis-Tschuncheismas, ils 15 da matg 1967 e venderdis, ils 19 da matg 1967 en sala da scola - Co vegn ins energics? Toc humoristics - da Benedetg Caminada - Chor mischedau Sedrun cun concert
    
1967 Concert a Sedrun - Pastgas e Gliendisdis-Pastgas 1967 - Il muronz da tschels onns - Toc humoristic en 2 acts da Freuler, translatau da signur mistral Gieri Vincenz, Trun -  La Societad da musica Sedrun - Inserat
1967 Placat Il narrTeater a Rueras - Ils 15, 22 e 29 da schaner 1967 - Il narr da Frundsberg - Drama original da Alfons Vinzens, Trun - Temps dall'aziun: Entschatta dil 15avel tschentaner - In ton dil recav va alla scoletta - Uniun dramatica Rueras - Reschia: Duri Battesta Venzin - Program 
1967 Teater a Sedrun - Tratsch carezau - Drama original en 4 acts da Felici Hendry. Reschia Tumaisch Monn e Battesta Monn. 
1967/68 Placat TraditurTeater a Rueras - S. Stiafen ils 26 ed ils 31 da december 1967; ils 6, 7 e 10 da schaner 1968 - Traditur e marter - Giug en tschun acts ord las missiuns orientalas tenor in text d'in missiunari - Translatau ed arranschau da sur Giusep Durschei - Uniun dramatica Rueras - Reschia: Duri Battesta Venzin. - Program
1968 Concert a Sedrun dil Chor da vallada Tujetsch - Venderdis, ils 31 da matg 1968 e Gliendisdis-Tschuncheismas, ils 3 da zercladur 1968 - Adatg dil tgaun - Toc humoristic da Jakob Stebler - Versiun romontscha da sur Pius Camenisch - Chor da vallada Tujetsch - Inserat
1968 Concert dil Chor mischedau Sedrun en casa da scola Sedrun- Pastgas, ils 14 d'avrel, Gliendisdis-Pastgas, ils 15 d'avrel e venderdis, ils 19 d'avrel 1968 - Toc humoristic - In frac sil sfrac - da Benedetg Caminada - Chor mischedau Sedrun cun concert - Inserat
1969 Teater a Rueras - Gliendisdis-Tschuncheismas, ils 26 da matg 1969, dumengia, igl 1. da zercladur e venderdis, ils 6 da zercladur 1969 - Patria muntagnarda - Giug popular en 5 acts ord ils cuolms da Josias Caviezel - Romontsch da Benedetg Caminada - Reschia Sigisbert Giossi, Rueras - Uniun da giuventetgna Rueras, 
1969 Concert a Sedrun dil Chor da vallada Tujetsch - Gliendisdis-Pastgas, ils 7 d'avrel 1969 e venderdis, ils 11 d'avrel 1969 - Fauls suspects - Humoresca en 2 acts - Translatau dad Alfond Vinzens - Chor da vallada Tujetsch - Inserat
1969 Placat Oraziun dalla mummaTeater a Sedrun - Ils 16, 22 e 23 da november 1969 - L'oraziun dalla mumma - Drama en 5 acts da Konrad Adolf Angst-Burkhard, translatau da Sigisbert Giossi, Rueras - Giuventetgna Sedrun - Inserat
1969/70 Teater a Rueras - S. Stiafen, ils 26 da december 1969; dumengia, ils 28 da december 1969; dumengia, ils 4 da schaner 1970 e Buania, ils 6 da schaner 1970 - Tissi pils giuvens onns - Drama popular en 5 acts da Friedrich Schare e Willy Webels - Romontsch da sur Luis Derungs, Vrins - Reschia: Duri Battesta Venzin - Uniun dramatica Rueras  - Program
1970 Concert dil Chor mischedau Sedrun - Toc humoristic - Gl'affon buc'avon maun - Cumedia en dus acts da K. Forrer, translatau da scolast A. Vinzens, Trun - Chor mischadau Sedrun - Inserat
1970 Concert dalla Societad da musica Sedrun - Venderdis, ils 24 d'avrel e dumengia, ils 26 d'avrel - Toc humoristic da Benedetg Caminada - Ni da pegna ni da platta - Reschia: Gion Battesta Monn e Tumaisch Monn - Societad da musica - Inserat
1971 Il misteri della cassacca cun barlacs - Humoristica en in act da Benedetg Caminada - Ils 20 e 22 da fevrer 1971.
1971 Teater a Rueras - Gliendisdis-Pastgas, ils 12 d'avrel, venderdis, ils 16 d'avrel, Dumengia Alva, ils 18 d'avrel e dumengia, ils 25 d'avrel 1971 -  Il cavalcaster - Cumedia originala en treis acts da sur Pius Venzin - Reschia: Duri Battesta Venzin - Uniun dramatica Rueras,  - Program
1971 Concert dalla Societad da musica Sedrun - Sonda, ils 22 da matg, dumengia, ils 23 da matg e venderdis, ils 28 da matg 1971 - Toc humoristic - Toni il tappalori - Da Tumaisch Monn - Societad da musica Sedrun
1972 Teater a Rueras - Lappun, arva ils egls! - Cumedia purila en 3 acts da Casper Freuler e H. Jenny-Fehr. Translaziun autorisada da Gieri Vincenz, Trun - All'entschatta producziuns dil Chor baselgia - Chor baselgia Rueras
1972 Concert dil Chor mischedau Sedrun - Dumengia, ils 16 d'avrel e venderdis, ils 21 d'avrel 1972 - Cuortas humorescas - Chor mischedau Sedrun
1973 Concert primavaun en sala da scola Sedrun - Venderdis, ils 27 d'avrel, sonda, ils 28 d'avrel e dumengia, ils 29 d'avrel 1973 - Toc humoristic - Jeu maridel buc - Translatau da Benedetg Caminada - Chor mischedau Sedrun
1975 A Sedrun - Bernardetta, la sontga da Lourdes - Drama en 5 acts (6 maletgs) ord la historias dallas appariziuns a Lourdes - Scret da Alfons Vinzens, Trun - Representaziun entras commembers/as dall'Uniun da pelegrins da Lourdes, Surselva - Reschia: Gion Battesta Monn e Tumaisch Monn - Program 
1976 A Sedrun - Gl'affon dil di dallas olmas - Tragedia populara grischuna en 5 acts da Paul Appenzeller - Versiun romontscha da sur Giachen Berther - Representaziun entras commembers/as dall'Uniun da pelegrins da Lourdes, Surselva - Reschia: Gion Battesta Monn e Tumaisch Monn - Program Foto
1976 Il zennet da Tarasp a Rueras, Giug dramatic en 5 acts da pader Maurus Carnot - Reschia: Duri Battesta Venzin - Uniun dramatica Rueras - Program
1977 Placat Nossadunna dil sbittaiTeater a Rueras - ils 10, 11, 17, 18 e 26 da december 1977 - Nossadunna dils sbittai - Drama en 5 acts - Translatau ord il franzos da sur Carli Fry - Reschia: Duri Battesta Venzin - Uniun da giuventetgna Rueras
1977 Teater a Rueras (PR)
1977 Placat Il siemi dallas auasConcert dalla Societad da musica Sedrun - Ils 22 e 23 d'avrel 1977 - Il siemi dallas auas da Placi Deragisch - Reschia Placi Deragisch
1978 Il gondolier dalla mort, Drama en 6 acts da Ch. L. de Roy-Villars - Translatau ed amplificau da Gion Thoma, Ruschein - Uniun dramatica Rueras, reschia: Duri Battesta Venzin - Program
1978 Placat Onda bunaConcert dalla Societad da musica Sedrun - Ils 4 e 6 da matg 1978 - L'onda buna da Placi Deragisch - Reschia G. Battesta Monn, concert dalla Societad da muisca Sedrun
1978 Fiasta dalla Romania a Sedrun, ils 2 da fenadur 1978 - Stiva da filar da Tumasch Dolf, Chor mischedau Sedrun, direcziun Norbert Vinzens, clavazin Rico Casanova, reschia Vigeli Hendry-Maissen, Sedrun
1979 Teater a Sedrun - In marter dil sigil dalla confessiun, Uniun da Lourdes
reschia: Gion Battesta Monn - Program 
1980 Golgata TuatschinaTeater a Rueras - Survetsch a Golgata, reschia Duri Battesta Venzin; Cumpignia da teater Rueras - Program
1981 Placat Nozzas dad aurConcert a Sedrun - Ils 22, 24 e 27 da matg 1981 - Toc humoristic - Nozzas d'aur da Placi Deragisch, Chor mischedau Sedrun
1981 Teater a Rueras - Bia canera a Chiozza, reschia Duri Battesta Venzin; Cumpignia da teater Rueras - Program
1982 Teater a Rueras - Il valser dalla carezia, reschia Duri Battesta Venzin; Cumpignia da teater Rueras - Inserat - Program
1983 Muronzs PlacatTeater a Rueras - Ils muronzs, reschia Duri Battesta Venzin e Hubert Venzin; Cumpignia da teater Rueras - Inserat - Muronzs - Persunas
1984 Secuglienus PlacatTeater a Rueras - Secuglienaus, reschia Hubert Venzin; Cumpignia da teater Rueras - Inserat - Program
1985 Prau PlacatTeater a Rueras - Il prau dil barlot, reschia Hubert Venzin; Cumpignia da teater Rueras - Inserat - Program
1986 1986 Dunna Cresenzia speculescha PlacatTeater a Rueras - Dunna Cresenzia speculescha, reschia Hubert Venzin; Cumpignia da teater Rueras - Inserat - Program
1987 1987 Astgel PlacatTeater a Rueras - Astgel jeu presentar, reschia Hubert Venzin; Cumpignia da teater Rueras - Inserat - Program
1987 Placat La stolla dil CarlinerConcert e toc humoristic - La stolla dil Carliner da Placi Deragisch - S. Giusep, ils 19 e sonda ils 21 da mars 1987 - Chor mischedau Sedrun concert cun toc humoristic daus dil Chor baselgia Sedrun - Reschia Testa Monn
1987 Ils 7 da zercladur 1987 concert cun toc humoristic .... gaglinas entras il Chor mischedau Rueras
1988 1988 Psalm PLacatTeater a Rueras - Psalm 42, reschia Hubert Venzin; Cumpignia da teater Rueras - Program
1989 1989 Daners PlacatTeater a Rueras - Daners, cardientschas blauas e dus babnos, reschia Hubert Venzin; Cumpignia da teater Rueras - Program
1990/91 Placat ProcessTeater a Rueras - Il process pervia dall’umbriva d’in asen, reschia Hubert Venzin; Cumpignia da teater Rueras - Program
1992 Placat MagicaTeater a Rueras - Ina bubronda magica, reschia Hubert Venzin; Cumpignia da teater Rueras - Program
1992 Placat Fiasta popularaFiasta populara a Sedrun - Ils 12 da settember 1992 - Toc humoristic da Placi Deragisch - Societad da musica Sedrun
1993 Placat CognacTeater a Rueras - Memia bia cognac per nies minister, reschia Hubert Venzin; Cumpignia da teater Rueras - Program
1994 Placat PaterlierasTeater a Rueras - Las paterlieras, reschia Hubert Venzin; Cumpignia da teater Rueras
1995 1995 Mustga PlacatTeater a Rueras - La mustga africana, reschia Hubert Venzin; Cumpignia da teater Rueras - Program
1997 Placat HaseldorfTeater a Rueras - Las soras Haseldorf, reschia Hubert Venzin; Cumpignia da teater Rueras - Program
1998 Teater a Rueras - Las nozzas, reschia Hubert Venzin; Cumpignia da teater Rueras
1999 Placat CaneraTeater a Rueras - Bia canera per pauc, reschia Hubert Venzin; Cumpignia da teater Rueras - Program
2000 Placat NobleziaTeater a Rueras - Noblezia oblighescha, reschia Hubert Venzin; Cumpignia da teater Rueras - Program
2001 Placat CommerceTeater a Rueras - Hotel du commerce, reschia Hubert Venzin; Cumpignia da teater Rueras - Program
2002 2002 Schoeller PlacatTeater a Rueras - Pensiun Schöller - Reschia Hubert Venzin; Cumpignia da teater Rueras
2003 2003 Gironnas PlacatTeater a Rueras - Nies bien Gironnas, reschia Hubert Venzin; Cumpignia da teater Rueras - Program
2004 Romeo e Giulia a Sedrun translatau da Hubert Venzin, concert primavaun dil Chor mischedau Sedrun
2005 Placat OndasTeater a Rueras - Mias ondas - Reschia Hubert Venzin - Cumpignia da teater Rueras - Program
2006 Teater a Rueras - Beethoven e musica da rock, cumedia en quater acts da Horst Hilfrich, reschia Hubert Venzin; Cumpignia da teater Rueras
2006 A Sedrun - La tatta ed ils laders  - Project da teater sco finiziun digl onn da scola
      
2007 2007 Aschiditg plTeater a Rueras - Aschiditg ch’ei dat umens, reschia Hubert Venzin; Cumpignia da teater Rueras - Program
2008 Placat CulastiaTeater a Rueras - La Culastia speculescha, reschia Hubert Venzin; Cumpignia da teater Rueras - Program
2009 Golgata Placat Teater a Rueras - Survetsch a Golgata, reschia Hubert Venzin 
 Program
2010 Placat PetersburgTeater a Rueras - Il viadi da nozzas a Petersburg, reschia Hubert Venzin
30 onns Cumpignia da teater Rueras
2011 Quei ei lu tuttina memia, reschia Hubert Venzin
Concert e teater dalla Societad da musica Sedrun e Cumpignia da teater Rueras
2012 Agid!, reschia Hubert Venzin - 6. classa e la Cumpignia da teater Rueras
2015 Teater a Sedrun - La Maria vesa dubel, reschia Hubert Venzin; Cumpignia da teater Rueras
2016 Teater a Sedrun - Igl Otto va en pensiun, reschia Hubert Venzin; Cumpignia da teater Rueras
2017 Teater a Sedrun - Zucher ei tissi, reschia Hubert Venzin; Cumpignia da teater Rueras
     
 ?  8-2-?? Gl'aug Casper vegn d'engrau, da Placi Deragisch, Societad da musica e chor
 ? La crusch zuppada da sur Giusep Durschei

Ils dramas han pretendiu dabia dils giugadurs/as. Detg cun in plaid: admirabel!!
Buca il davos era la lavur e prestaziun dils reschissurs: Gion Felici Monn, Toni Hendry, Giusep Durschei, Sigisbert Giossi, Duri Battesta Venzin; sur Baseli Albin, Battesta Monn, Tumaisch Monn, Placi Deragisch e Hubert Venzin.

La gliesta ei tuttavia buca cumpleina. Igl ei insumma gnanc aschi sempel d'anflar "tut"! Igl ei sco da metter ensemen in mosaic historic dil teater en Tujetsch. Jeu sun engrazieivels per mintga indicaziun, per fotografias, programs ed ils teaters sezs!

Fontaunas:
Cudisch da Tujetsch, 1987
Historia dil teater romontsch", en: Ischi 22/1932; 23/1933; 47/1961 da Guglielm Gadola 
Archiv communal Tujetsch, sectur 21 cultura, las uniuns ...
Gasettas Romontschas, archiv communal Mustér/Legat Condrau
Fotos: Gion Giachen Monn (Albums en Archiv cultural Tujetsch; sectur 21 Archiv communal Tujetsch)


Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

06-1967.jpg