1987 Astgel jeu presentar

Fi fan gia per la 8. gada
Teater a Rueras
N.V. Igl ei prest daventau usit — e quasi tradiziun — ch’ils da Rueras fan el temps da Pastgas in teater u ina cumedia. Uonn ein els sepresentai cul toc «Astgei jeu presentar», ina cumedia en treis acts da Burkhard Junker en versiun romontscha da Hubert Venzin, Rueras.
Oravontut bia giuventetgna
Da Pastgas-sera era la sala da scola da Rueras fullanada, gie ins ha schizun stuiu metter sutgas els irals d’entrada. Denters ils aspectaturs han ins saviu observar differentas fatschas jastras, qvd. d’ordvart e lu era numerus Tuatschins. Da far menziun eisi che massa giuventetgna era presenta. Para ch’ils tocs dils davos onns han fatg buna reclama! Igl ei era bi ed admirabel che nossa giuventetgna sefatschenta ozildi dapli cun problems en ed ord vischnaunca, s’empatscha per la cultura e schizun per la politica. Bravo, mo aschia vinavon! Quei interess porta segiramein cuntentientscha e perseveronza.
Saver rir da cor fa veramein bein
Segiramein tila ina cumedia el temps da stress e fuolas bia dapli ch’in drama da ta tresta e seriusa: Quei han ins’ saviu seperschuader pli e pli ils davos onns.
Il regissur sco era translatur dalla cumedia «Astgel jeu presentar», Hubert Venzin, ha nuota schau per breigias da mussar en quei toc per gronda cuntentientscha dils aspectaturs. El s’auda gleiti denter ils specialists sin quei gener e sescolescha onn per onn pli e pli en caussa reschia, maletgs da tribuna e translaziuns da tocs en auter lungatg. Ch’el vegn pli e pli capavels han ins era saviu seperschuader uonn — e quei tscheu e leu tier mo caussettas ni piculezas. Quei ei denton necessari per ch’il toc mondi senza incaps in en l’auter ed hagi adina ils vers ligioms denter giugadurs ed acziuns.
Buca ch’il toc sco tal hagi in stermentus coc, denton enzacontas verdads hodiernas cuntegn el senz’auter. Segiramein dat ei era ella veta d’ozildi caussas che vegnan tedladas mo a mesas e suenter vegn ei fatg ordlunder in elefant. Tier quei toc eisi pressapauc tuttina. La buna fumitgasa Lotti, empauet marvegliusa, ha udiu il discuors da siu patrun cun siu um, denton era mo a mesas. Entras duas construcziuns, che van denton buca a prau ina cun l’autra, ha ei dau in schischuri e scumbigliems enorms. Gnanc il detectiv, che ha puspei dau grondius sia rolla, che stueva aunc simular sco scribent dalla Gasetta Romontscha, ei vegenius ordlunder cun tal menaschi. El fuss prest vegnius ord il moni. Dapli lessel jeu denton sapientivamein buca tradir.
Ils giugadurs e las giugaduras han dau lur rollas endretg ed en sala han ins saviu udir risadas - ed era mez sunde! sedivertitis da cor; malgrad che havevel legiu il toc. Ins senta numnadamein vid ils aspectaturs, sch’el ston rir sfurzadamein ni sch’ei vegn ris da cor. Cheu ei la secunda varianta stada il cass. Tenor miu giudicar ei sulettamein la finiziun curdada ora empau anetg e memia spert sclarida.
Fin ha plaschiu fetg
Ils presents ein denton segiramein i a casa perschuadi da haver viu ed udiu ina cumedia bein preparada, senza incaps e schizun mulada ch’igl et stau in divertiment. Ils teatrists da Rueras, cun lur simpatic e capavel regissur Hubert, ein gia enconuschents lunsch sur ils cunfins dalla val Tujetsch ed ord quei motiv eisi era da giavischar che la sala dalla scola da Rueras seigi emplenida tochen tier la davosa supia tier las proximas producziuns. Quei ei per els il sulet ver segn d’engrazieivladad e renconuschientscha per las biaras uras d’exercezi e per haver unfriu in temps liber en favur dalla cultura el ver senn dil plaid. Bravo, teatrists da Rueras! Teni la dira, ei vala la peina. Ins ei engrazieivels persuenter!

GR nr. 32, 24 d’avrel 1987

............  

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

06-1967.jpg