1953 CumpognsTeater a Sedrun
Gliendisdis-Pastgas ughegian ils giuvens da Sedrun da passar alla tribuna da teater cun il drama "Cumpogns da viadi" da Josias Caviezel translataus da nies valent e capavel convischin da Rueras, signur Sigisbert Giossi. Cun grond entusiassem e perseveronza nunballuconta han tuts collaborau aschia ch'il drama vegn a delectar tuts aspectaturs. Acturas ed acturs sedattan tutta breigia da giugar lur rollas. Jeu vi buca palesar il cuntegn dil toc.
A nos giuvens giavischel bien success. Vus giuvens e vegls resalvai Gliendisdis-Pastgas per serender a Sedrun a teater.
(Comm.)

Teater a Sedrun
Ils giuvens e giuvnas da Sedrun sedattan tutta breigia cun lur teater "Ils cumpogns da viadi", per porscher ad in e scadin enzacontas bialas ed emperneivlas uras da recreaziun. Mo la finamira dils acturs ei da saver e puder demonstrar a tuts aspectaturs la snegaziun digl absolutissem.
Igl entir drama muossa la persunalitad d'in um beinstont e president da vischnaunca. Sco possessur ed administratur d'ina gronda fabrica sa el porscher a bia luvrers paun e fadigia. Sco tal sa el era trafficar e tractar ses luvrers sco ei para e plai. Mo signur Maissen, in um che posseda bia e tgei ch'el vul, giavischa denton aunc dapli e raccolta aschia mo las smaledicziuns digl entir pievel. In spért malmund s'ignivescha egl intern dil president e renda quel mender ch'ina bestia. Igl intent da Maissen: Daners e pussonza. - Il pitir e sufrir da ses concarstgauns inetresseschan el nuot. Igl essenzial ei sche sia atgna buorsa vegn di per di pli grossa e posseda sco president la pli gronda pussonza. Mo cheutras daventa Maissen in nuncurabel tiran da sias ideas stuornas e destruescha l'existenza d'entiras famiglias. El ei sclav da sesez e sependa vid ils beins terresters sco il giavel vid si'olma. -
Mo tutta pussonza e beinstar terrester prendan ina fin. El vegn derschius da siu post sco president, piarda tut ses daners, sto fugir da ses concarstgauns e pren la fuigia en santeri e sesprova leu da far bien per sias ovras satanicas. -
Ins vesa clar e bein ch'igl autur snega diltuttafatg igl absolutissem: "Die Macht verdirbt den Menschen".
Ils giuvens da Sedrun envidan tuts amitgs dil teater, giuvens e vegls, dalunsch e damaneivel, alla davosa presentaziun dils "Cumpogns da viadi" dumengia proxima, seigi ei cun velo ni cun lambretta, cun tren ni cun auto, mo vegni! Nezegei l'occasiun e schei buca vargar dumengia proxima senza haver assistiu al teater dils Tuatschins. -
G. A. J.

 

 

 

 

 

 

 

 

 

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

27-1965.jpg