Humorescas InseratConcert dil chor mischedau a Sedrun
Il chor mischedau da Sedrun sepresenta ils 16 ed ils 21 d’avrel alla tribuna. Senza surfar astgein nus dir ch'il Chor mischedau vegn a producir zatgei emperneivel, attractiv e variont. Sut direcziun dil valent dirigent, scolast Norbert Vincenz, che ha sedau tutta breigia, conta il chor: canzuns da J. H. Ambuhl, T. Dolf, Mario Vicari, H. Ophoren e lu da J. Strauss (An der schönen blauen Donau), per romontsch «Giuven bi Rein», accumpignaus al clavaziun da scolast Rico Casanova. Ultra da quei conta era il chor d’affons zacontas bialas canzuns.
Tgi che vul guder in per emperneivlas uras, prendi temps e peda da vegnir a Sedrun tier nies concert! In cordial beinvegni fa il chor mischedau.
P.

Chor mischedau Sedrun
Ei vala segir la peina da far en quest liug ina pintga menziun sur dil curriu e passau dil bein reussir concert dil Chor mischedau da Sedrun. Il concert ha giu gronda attracziun, essend cungius aunc cun duas humorescas originalas che han imponiu il publicum.
Sut la direczrun dil valent ed emperneivel dirigent, scolast Norbert Vinzens, ha il chor cantau sis novas canzuns popularas denter auter «Giuven bi Rein» («An der schönen blauen Donau») da Johann Strauss, che ha manifestau la culminaziun dalla sera. Nus astgein far ad el in compliment per ver rabitschau atras tala canzun cun in pign chor. In grond cumpliment mereta era scolast Rico Casanova che ha accumpignau meisterilmein il chor cul clavazin. Buca emblidar da menziunar lein nus il solist da Trun, Caspar Guldimann, che ha cun sia vusch voluminusa e clara, accumpignaus medemamein dil capavel pianist Rico Casanova, gidau ad embellir il concert cun treis bialas canzuns.
Digns dad ina menziun ei era igl autur e regissur dallas humorescas, ch’ein vegnidas producidas sin moda zun actuala.
Alla direcziun ed a tuts collaboraturs dil concert nossa gronda renconuschientscha ed engraziament per lur grondas breigias e sacrifecis.
Ina caussa che mereta segir era cheu ina menziun ei curdada si. Il chor mischedau Sedrun secumpona quasi mo ord dunnauns ed umens maridai. Tut respect meretan senz'auter las dunnauns, che han — malgrad lur gronda lavur a casa — aunc ton jdeal e sesacrificheschan ton per tener sidretg il chor.
Pertgei prendan giuvnettas e giuvens buca la peda da sededicar allas bialas societads da cant e musica? Ei il bi ideal per cant e musica forsa svanius? Lu fuss ei trest!
Al Chor mischedau da Sedrun giavischein nus vinavon in bien success. Possi el semantener sco tochen da cheu. Il cant contribuescha gie per ina buna part al manteniment dalla cultura da nos vitgs.
E viva il Chor mischedau Sedrun!
In aspectatur

 

 

 

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

05-1967.jpg