Maridel InseratConcert dil chor mischedau Sedrun
Miu lectur, era Ti ...
Era Ti dueigies vegnir orientaus, tgei cuora e passa en nossa Surselva sin camp cultural.
Capeivel e gnanc tgisa, ei fuss bein ortg dad assister a mintga concert ed occasiun che sepresenta el temps primavaun; e d’accord, deplorablamein han chors e societads da musica concentrau lur concerts sin in spazi da temps cunfinaus stagn da stretg. Mo tuttina, salas pleinas. fullanadas e surcargadas cun auditori relatan d'in viv contact denter musicant, cantadur ed auditur. Ei fuss buca giustificau da surpassar in tal eveniment senza far paleis el a scadin amitg da musica entras ina cuorta menziun ella pressa.
Aschia ei era if Chor mischedau da Sedrun sepresentaus ils davos dis d’avrel cun in bufatg matg canzuns. Probabel sentan ils Tuatschins pli tetg ch’enzatgi il foss che sparta ils da casa dils amitgs e vischins egl jester, ed els han enzugliau tuts patratgs en in regal da canzuns: «Cor, pertgei eis aschi trests» ed «Egl jester» da T. Dolf, lu «Egl jester» e «Seveser», duas canzuns popularas arr. da Giusep Sialm. «En la patria» da J.H. Ambühl. «Im schönsten Wiesengrunde>», melodia populara e «La montanara» da Toni Ortelli.
Las canzuns ein vegnidas cantadas en in tun ualti fin. Dinamicamein astgass il chor alzar in techet l'entira fermezia, quei che effectuescha ch'ils cantadurs sesluccan e domineschan cheutras la vusch, En l'occupaziun da registers ein las vuschs exponidas — meinsvart malulivas, aschia che principalmein igl alt para en certs loghens cherli ferms. Il dirigent, Norbert Vinzens, ha specialmein formau il vestgiu musical entras il tempo e la ritmica, che corrispundan grondius al caracter dallas canzuns. Menziunada seigi era l'interpretaziun sempla en general che semuossa fetg adequata al temps modern.

La sensaziun dalla sera ei senza dubi stada il Chor d’affons. Suenter strusch in onn activitad da quei chor sepresenta el sut siu dirigent e fundatur, scolast Rico Casanova, cun in tschuppel canzuns. Las canzuns «La hirondella» da W. Schulze, «Alla giuventetgna» da C. Collmick, «La patria celestiala» da Mazzini e «Glick aul, der Sonn entgegen» da Walter Schmid ein vegnidas cantadas a capella. Sco finiziun ei vegnida dada la canzun «Sonntagmorgen» da F. Mendelssohn cun accumpignament da clavazin.
Igl affonei movibels e lai empalar. Quei cumprovan ils dirigents da chors d’affons adina puspei. Scadin chor ha siu agen caracter da tun, siu agen sepresentar. Tier l'elecziun da canzuns ha Rico Casanova forsa consultau in truchet memia ault; il chor ha cuntonschiu tonalmein in nivo considerabel, ins ha denton sentiu in manco da forza psichica e fisica. La pusseivladad da cumpensar in tal manco succedess cun augmentar las retschas da buobs. Tipic pil Chor d’affons Sedrun ei la pronunzia exemplarica; e tuttina piteschan las lingias musicalas buca giudlunder. Quel ch'il Chor drova aunc, ei in tozzel canzuns cun accumpignament da clavazin, sinaquei ch'igl affon hagi la caschun d‘imitar il caracter dil clavazin; umens cun experientscha numnan ei salvament d'in chor d'affons. Nus essan gia oz spanegiai sin la cumparsa dil Chor d'affons Sedrun in auter onn.

Per prolungir la sera han 3 giugadurs delectau igl auditori cun il toc humoristic «Jeu maridel buc», translataus da Benedetg Caminada. Ina sgnocca e l’'autra han sluccau l’atmosfera da concert ed aschia preparau la buna luna per in glas vin en l'ustria, ch’in e scadin ha meritau suenter bunamein duas uras da stendida concentraziun.
C. Simonet

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

04-1967.jpg