Oraziun InseratTeater a Sedrun
Il teater en tiara romontscha vegn pli e pili scarts. Gl'onn vargau han ins strusch viu inserats da quella specia ella Gasetta Romontscha. Buca ch'igl interess davart il publicum muncass. Anzi! la frequenza ei en general fetg cuntenteivla. La raschun schai bein ella munconza da giugadurs.
Per l'ina ei la gronda part dalla giuventetgna absenta l’jamna ora e per l’autra selai negin engaschar bugen ozildi nua ch’ei dat occupaziuns che stgisan el temps liber. Ch’ei sa denton era esser auter, ha la giuventetgna da Sedrun documentau uonn. Cun tutta premura eis ella sepreparada per il drama: «Oraziun della mumma» da Konrad Adolf Angst-Burkhardt, translataus en buna viarva romontscha da Sigisbert Giossi, Rueras. L’entira giuventetgna ha collaborau e quei ei stau necessari per in toc cun 19 giugadurs! Plaschiu ha ei a mi che representants dalla garda giuvna e veglia han luvrau ensemen. Quei ei oz buc adina zatgei che secapescha da sesez! Tgei cuntegn il drama? Ei mass memia alla liunga da raquintar quel. Miu meglier cussegl a Ti preziau lectur ei perquei: Va ina dallas proximas dumengias a Sedrun. Ti vegnas a veser scenas humoristicas, muments cun tensiun e gronda tragica. Cun auters plaids: Ti vegnas a sedivertir ed a s’edificar. Era vegnas Ti a veser giugadurs che dattan lur rollas cun anim e perschuasiun.
Forsa vegnas Ti ad esser surstaus sur dil temps. Tgi fa schon teater il november? Igl ei ver, quei va encunter la tradiziun. Denton ins sto tuttavia buca esser subdits a quella. In tec reparter ils divertiments dat segir buca donn.
Per conclusiun lessel far in bravo alla giuventetgna da Sedrun per sia iniziativa e curascha.
Jeu sun perschuadius che lur stentas vegnan a vegnir remuneradas.
N.B.

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

04-1967.jpg