1949 MadleinaTeater a Rueras
(Corr.) Il Chor mischedau Rueras ei puspei sepurschius alla tribuna. In toc edificont e grev han els elegiu, ch'ei adattaus oreifer a nossas relaziuns. "Maria Madleina" da B. Ponholzer, in drama mo per giuvnas, muossa il cumbat denter Maria Madleina, sia sora Marta e siu frar Lazarus ein orfens, che gaudan en l'entira cuntrada in bien num. Cuort suenter la mort da lur geniturs entscheiva il cumbat dil cor. Passadetgna e tristezia penetrescha el cor dalla Maria Madleina. Ella sedecida da serender a Magdela, Betania, en ina possessiun campestra per mitigar siu malruaus. Mo era cheu endira ella vinavon. La pussonza divina admonescha ella tier il bien. Mo en sia anguoscha ed agonia po ella buca cumbatter la pussonza dil nauschaspert, che tribulescha ella pir che mai. Ella croda els mauns da quel. Siu casti e gl'entir Magdela daventa il refugi da tuts carstgauns peccaminus. -
Da quei temps applichescha Jesus da Nazareth sias miraclas e ses priedis en Betania. Il fegl da Diu converta la pucconta Madleina. Ella daventa ina gronda e pietusa vereratura da Jesus e sia sontga religiun e suonda meisterilmein siu exempel. Suenter la mort dil divin fegl da Diu serendan Maria e Madleina e Marta el desiert e fan penetenzia per ils puccaus commess. 
Igl ei stau zacontas bialas ed instructivas uras a Rueras Gliendisdis Pastgas. Las mattauns han luvrau per cumpleina cuntentientscha dils aspectaturs; ad ellas in sincer cumpliment. Giavischel bien success tier las proximas producziuns.
In aspectatur

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

27-1965.jpg