2005 Ondas

«Tgi fa da sezuppar cun mei?»
Da Pastgas ha la Cumpignia da teater Rueras premiera dalla cumedia «Mias ondas»

da Susi Bearth
«Mias ondas» secloma la cumedia che la Cumpignia da teater Rueras presenta uonn. In triep ondas ed autra parentella fan malsegir la Val Tujetsch. Ils acturs procuran per schischuris, risadas e divertiment. La Cumpignia da teater Rueras ei vegnida fundada avon 25 onns. Ina gruppa che ha pudiu exister tut ils onns senza statutas e suprastonza. Per ch'ina tala gruppa prospereschi sur 25 onns drova ei persunas cun bia iniziativa e plascher pil teater. Sulettamein dus dils 25 onns passai han ils da Rueras fatg ina pausa e buca giugau teater. Dapi 20 onns ei Hudert Venzin responsabels per la reschia ed el tila era schiglioc empau il carr. Pil giubileum da 25 onns presenta la Cumpignia da teater Rueras la cumedia «Mias ondas» en treis acts da Norbert Gröss. La versiun romontscha deriva da Hubert Venzin ch'ei era uonn il reschissur dil teater. Ultra da quei ha el dessignau il maletg da tribuna che muossa il biro dil fabricant da clavazins Ignazi Cabernard (Richard Cavegn), in biro cun ina preit cotschna e mobilias modernas. Vinavon ha Hubert Venzin era anflau la peda da giugar ina pintga rolla ella cumedia.
Ondas en abundonza
Il fabricant da clavazins ei en deivets cun sia fatschenta e curdaus profundamein ella miseria. Immensas expensas d'aliments che ston restar tscheladas a sia dunna (Astrid Monn) fan ulteriurs quitaus ad el. Il directur dalla banca (Adrian Deragisch) selai buca refusar pli e pretenda ch’il fabricant paghi ses deivets ton pli spert. Cabernard metta en funcziun tut per spindrar la situaziun. L'onda Jutta da Calcutta (Jmelda Monn) fuss bein promta da sustener el, vegn denton arrestada al port aviatic e cheu entscheiva il schischuri. L'onda sto vegnir remplazzada e tuttenina survegn Cabernard visetas da pli biaras ondas che quei ch'el sehona.
Tgi spendra la fatschenta? La secretaria (Barla Agatha Schmid) ni forsa igl administratur (Reto Schmid)? L'onda Vanda dall’Uganda (Mudest Venzin), l'onda Trudi da Cadruvi (Ursula Deplazes) ni ulteriura parantella? Ei vegn segiramein a dar dabia da rir, cunzun naven dil secund act, pli bia vulein nus buca tradir.
Termagliar ni fructificar las fluras 
In’autra varianta da spindrar la situaziun fuss da dar en lètg la feglia (Flurina Deragisch) cul Gottlieb (Armin Albin) il nevs dalla reha contessa Cunigunda (Franzisca Hitz). Quel ei denton bravamein affonils e vul tudi termagliar, far da sezuppar ni fructificar las fluras.
Vegn il fabricant da clavazins da spindrar sia fatschenta? Marida sia feglia il Gottlieb? Quellas damondas vegnan rispundidas duront las producziuns dalla cumpignia da teater Rueras.

Producziuns:
Pastgas, 27-3-05
venderdis, 1-4-05
dumengia, 3-4-05 
venderdis, 8-4-05 
sonda, 9-4-05
mintgamai allas 20.00 uras.
PROGRAM

............  
Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

01-1965.jpg