Gasetta Romontscha dils 23 da december 1977

Teater a Rueras
(Correspondenza) Ei vegn aunc bein bugen criticau la giuventetgna dad ozildi, ch'ei hagien intress da nuot pli e veglien nuota s'engaschar per enzatgei. Aschi generalmein astg'ins segir buca giudicar sur da nossa giuventetgna. Ei maunca era ozildi buca giuvens e giuvnas cun ideal e promtadad per il bien.
Quella impressiun hai jeu era glu ussen dumengia-sera duront il teater a Rueras. «Nossadunna dils sbittai» secloma il drama che l'uniun da giuventetgna da Rueras ha presentau. Varga 20 giuvens e giuvnas, senza quintar tut quels che han luvrau davos las culissas, han giu da cooperar en quei toc. Biars da quels che ein s'engaschai lavuran ni ein egl emprendissadi ordeifer ed han aschia stuiu unfrir lur temps liber dalla sonda e dumengia per emprender lur rolla. Quei ei admirabel. Quel e tschel dad els ei passaus per l'emprema ga sin tribuna.
Els ein era en quei grau emprendists, mo emprendists che han fatg cun lur capavel regissur Duri Battesta Venzin tut lur pusseivei, per ch'ei gartegi.
Sur dil cuntegn da quei drama fuss ei bia da raquintar. Igl ei in toc che regorda vid ils pasturs da Betlehem ni era vid ils paupers dad ozildi als urs da bia marcaus. Glieud sbittada, paupra, cun pintga cultura e pauca cardientscha, mo cun ferms pugns. E tonaton enqneran ei e braman per glisch e spindrament.
Ins pudess mo giavischar che bia aspectaturs van da s. Stiafen suentermiezdi ni la sera a Rueras per mirar quei drama en 5 acts che sur Carli Fry ha translatau ord il franzos. Ins tuorna enrihius, a casa. E franc fa ei era bein alla giuventetgna, sch'ella senta engraziament per quei ch'ella presta. 

In aspectatur

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

04-1967.jpg