Schoeller 45

Il teater ei puspei el center a Rueras
Da Pastgas ha la Cumpignia da teater Rueras la premiera cun la cumedia «Pensiun Schöller
da Hans Huonder

Tgi che vul sedivertir ed assister ina ga puspei ad ina dallas enconuschentas producziuns dalla Cumpignia da teater Rueras, lez astga per negin prezi munchentar la «Pensiun Schöller». La premiera da quei toc ei da Pastgas. Quater ulteriuras producziuns en halla a Rueras ein previdas igl avrel. «Nus essan danovamein sedecidi per ina cumedia, damai ch'ils pli biars vegnan a Rueras a teater per veser in toc humoristic», di Hubert Venzin che meina reschia dapi 20 onns a Rueras.
Cheu ha il teater giu sia renaschientscha igl onn 1980 e dapi lu ha la cumpignia desistiu in sulet onn d'ina producziun.
«Per gronda part havein nus dau cumedias, zacontas ga denton era dramas. La cumedia ei buca pli sempla da presentar che il drama. Era sch'igl ei in toc humoristic, eis ei necessari da sepreparar seriusamein», puntuescha Hubert Venzin che ha surpriu 1983 la reschia da siu bab Duri Battesta. Ed el ei perschuadius: «Tgi che serenda a Rueras vul veser in toc legher e divertent. Nus essan ina gruppa cun laics ed in toc teater ei adina era ina damonda dil temps da preparaziun. Pli bugen pli sempel, mo persuenter endretg.»
L'experientscha ei avon maun
Dapi biebein diesch onns cumpeglia la Cumpignia da teater Rueras acturas ed acturs dall'entira Val Tujetsch. Pli baul — aschia seregorda Hubert Venzin — haveva ton Rueras sco Sedrun in uniun dramatica. Cun la televisiun ei l’activitad da quellas ton sco svanida. La gruppa consista oz da plirs teatrists cun gronda e buna experientscha, quei ch’ei buca mo il garant per il bein reussir dils tocs, mobein era da gronda impurtonza per ils giugadurs giuvens e novs. «Quels ch'ein pliditg dalla partida san tgei che jeu pretendel. Cun ils novs eis ei necessari da luvrar in tec pli intensiv. La bunaveglia ei denton decisiva era cheu tier il teater», di Hubert Venzin. In element che slucca cunzun era la distanza d'in tier l’auter ei per il reschissur la cumpignia: «Nus sesin era ensemen suenter ils exercezis. La chemia sto constar, mo lu contonschan ins era la finamira sin tribuna.»
In toc divertent
Dapi quater meins ei la Cumpignia da teater Rueras lundervi d’exercitar la cumedia «Pensiun Schöller». Quei toc en treis acts da Carl Laufs e Wilhelm Jacoby ei vegnius translataus da Hubert Venzin. Per dar empau tempra alla producziun ei la cumpignia era sedecidida quella ga da procurar per costums specials. Ei setracta da vestgadira dil temps entuorn 1920. «Quei cuosta empau, mo ei fuss falliu da spargnar en quei liug», ei Hubert Venzin perschuadius. Dapi il december s'entaupan las acturas ed ils acturs regularmein mintga jamna sin tribuna per esser semtgai endretg.

............  




 

 

 

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

27-1965.jpg