1988 Psalm 42
Teater a Rueras
(Corr.) Otg onns, nuninterruttamein, ha la gruppa da teater Rueras dau sias producziuns da teater — e quei adina puspei el temps da Pastgas. Las Pastgas 1988 ein sesplegadas senza ch’ei vegni menau si teater a Rueras. Per biars Tuatschins ed aspectaturs d’ordeifer era ei buca propi capeivel che tala tradiziun seigi interrutta. Sco ei veseva ora il mument, vess ins bunamein cartiu ch’ei seigi finiu cul far teater a Rueras, pertgei che in carr che stat inaga eri, ei nuota aschi lev da puspei metter en moviment. Quei ei denton buca stau il cass tiels da Rueras. Sut la reschia dil premurau iniziant e giugadur Hubert Venzin vegn ei puspei cuntinuau cun il teater a Rueras.
Segiramein ha ina pausetta fatg bein a giugaduras e giugadurs e naturalmein era al regissur. Jeu sundel pertscharts, che l’idea — da puspei vuler far teater — seigi stada bunamein in desideri, principalmein da vart da giugaduras e giugadurs. Puspei saver porscher ina recreaziun al pievel che schazegia adina puspei ina producziun da teater ei ina caussa che dat satisfacziun. Buca il davos lessel jeu menziunar las biaras e bialas uras da cumpignia che regian en ina tala gruppa duront il temps d’exercezi. Talas uras che vegnessen probablamein passentadas avon la televistun.
Il toc «Psalm 42»
Il teater sco tal, «Psalm 42», ei diltuttafatg enzatgei auter ch’ils tocs che vegnevan dai ils davos onns. Igl ei ina tragedia da famiglia. Il toc ei screts dil regissur Hubert Venzin tenor il roman «Alle deine Wasserwogen», da Elisabeth Dreisbach. Pli bia sur dil cuntegn dil toc lessel jeu buca tradir.
Las producziuns vegnan dadas el temps da Nadal e la Cumpignia da teater Rueras — sco ella senumna ussa — fa gia oz in cordial beinvegni als aspectaturs indigens e d’ordeifer — e spera da saver delectar giuven e vegl enzacontas uras, era sch’igl ei uonn in drama e buca ina cumedia sco quei ch’ins era disai.
Gia oz in cordial engraziament per Vossa viseta! 

............  

 

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

37-1965.jpg