1962 ReconciliaziunTeater a Rueras
(Corr.) «Tgei, gia puspei teater a Rueras? Aschia po in u l'auter sedumandar legend l'annunzia ella gasetta dad oz. Tujetsch ha dapresent - buca ditg pli - mo la sala da scola a Rueras a disposiziun per teaters ed autras producziuns pli grondas. Perquei ston las differentas uniuns dalla vallada tuttas seconcentrar sin quella suletta sala. — Cun risguard sin autras uniuns e radunonzas vegn dau uonn mo quater producziuns.
Suenter che l’uniun dramatica da Rueras ha dau onn il drama religius «Nossadunna da Fatima», ha ella elegiu uonn in toc da tutt'autra tempra: il drama popular «Reconciliaziun». Era quei toc ei translataus ed arranschaus per nossas relaziuns da reverendissim sur canoni Carli Fry p.m.. Sche in um da lavur stendida sco il nunemblideivel sur Fry prendeva temps e peda da translatar in teater, lu astg'ins bein supponer ch'el elegeva buca tocs mo ual aschia. Per gliez fuva el memia perschuadius dalla missiun dil teater, ch'el sez descriva cun ils plaids: «La missiun dil teater romontsch ei adina stada, sper il porscher recreaziun e deletg, instruir ed edificar».
Signur professer dr. Guglielm Gadola medemamein in grond amitg e fautur dil teater romontsch, caracterisescha cuortamein aschia il drama "Reconciliaziun": Dus cors fatgs in per l'auter vegnan mess all'emprova entras la nauschadad d'ina onda. Tras embrugls e calamitads e scumbegls zun dramatics arrivan ils spus tuttina tier lur ventira. In engrazieivel drama en tuts graus".
Suenter che l'Uniun dramatica Rueras ha regalau onn igl entir recav schuber alla baselgia da Rueras, ch'ei vegnida renovada empau ed ha survegniu ina orgla nova, vul l'uniun era uonn puspei contribuir silmeins in ton dil recav alla baselgia. - Nus lessen era engraziar a tuts quels che han schenghegiau onn lur attenziun a nus e beneventein da cor e bugen era uonn puspei numerus aspectaturs da lunsch e da maneivel.


 

 

Historia da Tujetsch sa era fascinar Tei!

0270
CuviartaAmerica

Historia dall’emigraziun tuatschina ell’America: Na, na, anora mass ju per de biè bétga plé. - cumpariu 2011 pdfAmerica

mp3AmericaTujetschL'emigraziun ell'America", emissiun d'Esther Berther ella Marella dil RR. Emissiun da Radioscola 1966 sur dall'emigraziun americana dad A.Maissen
Giuv Film
1816/17 - igl onn senza sulegl ed igl onn dalla fom. Mira: A la sumbriva dal tambora

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

06-1967.jpg